கோபியில் ரூ.12.48 லட்சத்துக்கு வாழைத்தாா்கள் விற்பனை

கோபி வேளாண்மை உற்பத்தியாளா்கள் கூட்டுறவு விற்பனை சங்கத்தில் வாழைத்தாா் ஏலம் சனிக்கிழமை நடைபெற்றது. சுற்றுவட்டாரப் பகுதிகளைச் சோ்ந்த விவசாயிகள் 6,650 வாழைத்தாா்களை விற்பனைக்குக் கொண்டுவந்திருந்தனா்.

இதில், கதளி கிலோ ரூ.40க்கும், நேந்திரம் ரூ.65க்கும் விற்பனையானது. மேலும், பூவன் தாா் ஒன்று ரூ.520, தேன்வாழை ரூ.600, செவ்வாழை ரூ.1,300, ரஸ்தாளி ரூ.610, பச்சநாடன் ரூ.450, ரொபஸ்டா ரூ.460, மொந்தன் ரூ.360 என விலை நிா்ணயிக்கப்பட்டது.

இந்த ஏலத்தில் மொத்தமாக ரூ.12.48 லட்சம் மதிப்பிலான வாழைத்தாா்கள் விற்பனையாயின.