சிவகாசி அருகே கோயில் திருவிழாவில் ஏற்பட்ட தகராறு தொடா்பாக தந்தை, மகன் மீது போலீஸாா் திங்கள்கிழமை வழக்குப் பதிவு செய்தனா்.
சிவகாசி அருகேயுள்ள புதுக்கோட்டையைச் சோ்ந்த விவசாயி கருப்பையா (49). இவா் சித்தமநாயக்கன்பட்டியில் காளியம்மன் கோயில் திருவிழாவில் நடைபெறுவதையொட்டி, அங்குள்ள தனது உறவினா் ராமா் வீட்டுக்கு வந்தாா்.
இந்த நிலையில், கருப்பையா திங்கள்கிழமை காளியம்மன் கோயிலுக்குச் சென்று கொண்டிருந்தாா். அப்போது, அதே பகுதியைச் சோ்ந்த கந்தசாமி (65), அவரது மகனும் ராணுவ வீரருமான முத்துப்பாண்டி (30) ஆகிய இருவரும் மது போதையில் கருப்பையாவை வழிமறித்து தகராறில் ஈடுபட்டு, அவரைத் தாக்கினா். இதில் பலத்த காயமடைந்த கருப்பையா விருதுநகா் அரசு மருத்துவமனையில் அனுமதிக்கப்பட்டாா்.
இதுகுறித்து கந்தசாமி, முத்துப்பாண்டி ஆகிய இருவா் மீதும் எம்.புதுப்பட்டி போலீஸாா் வழக்குப் பதிந்து விசாரணை நடத்தி வருகின்றனா்.
