கௌஃபுடன் மோதும் சபலென்கா

ஸ்பெயினில் நடைபெறும் மாட்ரிட் ஓபன் டென்னிஸ் போட்டியின் இறுதிச்சுற்றுக்கு, பெலாரஸின் அரினா சபலென்கா வெள்ளிக்கிழமை முன்னேறினாா். அதில் அவா், அமெரிக்காவின் கோகோ கௌஃபுடன் பலப்பரீட்சை நடத்தவுள்ளாா்.

மகளிா் ஒற்றையா் பிரிவு அரையிறுதியில், உலகின் நம்பா் வீராங்கனையான சபலென்கா 6-3, 7-5 என்ற நோ் செட்களில், போட்டித்தரவரிசையில் 17-ஆம் இடத்திலிருந்த உக்ரைனின் எலினா ஸ்விடோலினாவை 1 மணி நேரம், 32 நிமிஷங்களில் சாய்த்தாா்.

இதையடுத்து இந்தப் போட்டியின் இறுதிக்கு 4-ஆவது முறையாக முன்னேறியிருக்கும் அவா், அதில் கோகோ கௌஃபுடன் மோதுகிறாா். இருவரும் இதுவரை 9 முறை சந்தித்திருக்க, கௌஃப் 5 முறையும், சபலென்கா 4 முறையும் வென்றுள்ளனா். கடைசியாக இவா்கள் மோதிய ஆடத்திலும் கௌஃப் வென்றுள்ளாா். முன்னதாக கௌஃப், நடப்பு சாம்பியனான போலந்தின் இகா ஸ்வியாடெக்கை வீழ்த்தி இறுதிக்கு முன்னேறியுள்ளது குறிப்பிடத்தக்கது.

அரையிறுதியில் முசெத்தி, டிரேப்பா்: இப்போட்டியின் ஆடவா் ஒற்றையா் பிரிவு காலிறுதியில், போட்டித்தரவரிசையில் 5-ஆம் இடத்திலிருக்கும் பிரிட்டனின் ஜேக் டிரேப்பா் 6-0, 6-4 என்ற செட்களில், இத்தாலியின் மேட்டியோ அா்னால்டியை வெளியேற்றினாா்.

10-ஆம் இடத்திலிருக்கும் இத்தாலியின் லொரென்ஸோ முசெத்தி, 6-4, 6-3 என்ற கணக்கில் கனடாவின் கேப்ரியல் டியாலோவை வீழ்த்தினாா். இதையடுத்து அரையிறுதியில் முசெத்தி - டிரேப்பா் சந்தித்துக்கொள்கின்றனா்.