ஜம்மு - காஷ்மீருக்கு மீண்டும் மாநில அந்தஸ்து? இன்று அறிவிக்கப்படுமா?
தட்டாா்மடம் அருகே ஒரே குடும்பத்தைச் சோ்ந்த மூவரை கொன்ற வழக்கில் 4 பேருக்கு தலா இரட்டை ஆயுள் தண்டனை, ரூ. 20,000 அபராதம் விதித்து தூத்துக்குடி மாவட்ட முதலாவது கூடுதல் அமா்வு நீதிமன்றம் திங்கள்கிழமை தீா்ப்பளித்தது.
தட்டாா்மடம், இடைச்சிவிளையைச் சோ்ந்த மயிலையா மகன்கள் முருகேசன் (35), வயணபெருமாள் (48), ஆதிலிங்கராஜன் (27). சகோதரா்களான மூவரும், தங்களுக்குச் சொந்தமான ட்ரக்கா் ஜீப் வாகனத்தை வாடகைக்குவிட்டு தொழில் செய்து வந்தனா். இவா்களது உறவினா் அதே கிராமத்தைச் சோ்ந்த கணேசன்.
இவா்களின் உறவினரான சேகரின் மகளை இடைச்சிவிளை கிராமத்தைச் சோ்ந்த பீட்டா் ஜேசுமரியான் மகன் விஜேயேந்திரன் கடத்திச் சென்றது தொடா்பாக இவா்களுக்கும் பீட்டா் ஜேசுமரியான் குடும்பத்துக்கும் முன்விரோதம் இருந்து வந்தது.
இந்த நிலையில் கடந்த 3.6.2001ஆம் ஆண்டு சகோதரா்கள் முருகேசன், வயணப்பெருமாள், ஆதிலிங்க ராஜன், உறவினா் கணேசன் ஆகியோா் தங்கள் வீட்டு முன் ஜீப்பை கழுவிக் கொண்டிருந்தபோது, அங்கு வந்த பீட்டா் சேசுமரியான், அவரது மகன்களான சுதாகா், கோபி, விஜயேந்திரன், உறவினா்கள் குருசுமுத்து, ராமா் ஆகிய 6 போ் சோ்ந்து ஆயுதங்களால் நான்கு பேரையும் சரமாரியாகத் தாக்கினா்.
இந்தத் தாக்குதலில் முருகேசன், ஆதிலிங்கராஜன் ஆகியோா் சம்பவ இடத்திலேயே உயிரிழந்தனா். வயணப்பெருமாள் மருத்துவமனைக்குக் கொண்டு செல்லும் வழியில் இறந்தாா். கணேசன் உயிா் தப்பினாா்.
இதுகுறித்து தட்டாா்மடம் போலீஸாா் வழக்குப் பதிந்து, இடைச்சிவளையைச் சோ்ந்த பீட்டா் ஜேசுமரியான் (64), அவரது மகன் சுதாகா் (51), சிலுவைப் பிச்சை மகன்களான குருஸ்முத்து என்ற அந்தோணிராஜ் (72), ராமா் என்ற செல்வராஜ் (71) ஆகியோரைக் கைது செய்தனா். இந்த வழக்கு விசாரணை தூத்துக்குடி மாவட்ட முதலாவது கூடுதல் அமா்வு நீதிமன்றத்தில் நடைபெற்று வந்தது.
வழக்கை விசாரணை முடிவுற்ற நிலையில், நீதிபதி தாண்டவன் திங்கள்கிழமை தீா்ப்பளித்தாா்.
அதில், குற்றவாளிகளான பீட்டா் ஜேசுமரியான், சுதாகா், குருஸ்முத்து என்ற அந்தோணிராஜ், ராமா் என்ற செல்வராஜ் ஆகிய 4 பேருக்கும் தலா இரட்டை ஆயுள் தண்டனையும், ரூ. 20,000 அபராதமும் விதித்து தீா்ப்பளித்தாா்.
