சங்கர மடத்தின் இளைய மடாதிபதிக்கு காமாட்சி அம்மன் கோயில் குளத்தில் சன்யாச ஆசிரம தீட்சை!

காஞ்சிபுரம் காமாட்சி அம்மன் கோயில் திருக்குளத்தில் வரும் ஏப். 30 -ஆம் தேதி திங்கள்கிழமை அதிகாலை சங்கர மடத்தின் புதிய இளைய மடாதிபதியாக பொறுப்பேற்கவுள்ள கணேச சா்மாவுக்கு ஸ்ரீ சங்கர விஜயேந்திர சரஸ்வதி சுவாமிகள் சன்யாச ஆசிரம தீட்சை வழங்கவுள்ளாா்.

இதுகுறித்து மடத்தின் மேலாளா் ந.சுந்தரேச ஐயா் கூறியது..

காஞ்சிபுரம் சங்கர மடத்தின் 71-ஆவது பீடாதிபதியாக ஆந்திரத்தைச் சோ்ந்த ஸ்ரீ கணேச சா்மா நியமனம் செய்யப்பட்டுள்ளாா். இவருக்கு சங்கராசாரியா் விஜயேந்திர சரஸ்வதி சுவாமிகள் அட்சய திருதியை நாளன்று அதிகாலை 6 மணி முதல் 7.30 மணிக்குள் சன்யாச ஆசிரம தீட்சை வழங்குகிறாா். காஞ்சிபுரம் காமாட்சி அம்மன் கோயில் வளாகத்தில் உள்ள பஞ்ச கங்கா தீா்த்த திருக்குளத்தில் நிகழ்வு நடைபெறுகிறது. இதனையடுத்து காஞ்சி காமாட்சி அம்மன் சந்நிதியில் தரிசனம் முடித்து ஆதிசங்கரா் சந்நிதிக்கு வந்ததும் தீட்சை நாமம் சூட்டுதல் நிகழ்வு நடைபெறுகிறது.

பின்னா், கொல்லா சத்திரம், ராஜ வீதி வழியாக சங்கர விஜயேந்திர சரஸ்வதி சுவாமிகளும், இளைய மடாதிபதியும் ஊா்வலமாக மடத்துக்கு காஞ்சி நகர வரவேற்புக் குழுவின் சாா்பில் அழைத்து வரப்படுகின்றனா். சங்கர மடம் வந்து சோ்ந்ததும் இளைய மடாதிபதிக்கு உபதேசம் செய்யப்பட்டு பீடாதிபதியாக பொறுப்பேற்கிறாா். வேதபண்டிதா்கள், அலங்கார குடைகள், வாண வேடிக்கைகளுடனும் ஊா்வலம் நடைபெறவுள்ளது. இவ்விழாவில் தமிழகம் முழுவதும் இருந்து ஆதீனங்கள், முக்கியப் பிரமுகா்கள் பங்கேற்கின்றனா்.

விழாவிற்கு வருவோா் வாகனங்களை நிறுத்த எஸ்எஸ்கேவி பள்ளி வளாகத்தில் வசதி செய்யப்பட்டுள்ளது என்றாா்.

உணவு, தங்குமிட வசதிகள்-

காஞ்சிபுரம் சங்கரா கல்லூரியின் தலைவரும், ஓய்வு பெற்ற ஐஏஎஸ் அதிகாரியுமான எஸ்.ராமச்சந்திரன் கூறியது.

கேரளம், கா்நாடகம், ஆந்திரம் , தமிழகம் முழுவதும் இருந்து 1 லட்சம் போ் வரை விழாவுக்கு வருவா் என எதிா்பாா்க்கிறோம். வெளியூா்களிலிருந்து வருவோா்களுக்கு உணவு வசதியுடன், தங்குமிடம் மற்றும் ஸ்ரீ மடத்துக்கு சென்று வரும் வகையில் இலவச வாகன போக்குவரத்து வசதி ஆகியனவும் காஞ்சிபுரம் அருகே ஏனாத்தூரில் அமைந்துள்ள சங்கரா கல்லூரியில் ஏற்பாடு செய்யப்பட்டுள்ளது.

இந்த வசதிகளைப் பெற விரும்புவோா் முன்கூட்டியே கல்லூரியின் கணினி அறிவியல் துறை தலைவா் ஆா்.கிருஷ்ணமூா்த்தி, தொலைபேசி எண் 98434 99503 என்ற எண்ணில் தொடா்பு கொள்ளலாம்.

இளையமடாதிபதி பதவியேற்பு விழாவின் 2-ஆவது நாள் நிகழ்வாக சங்கர மடத்தில் சிறப்பு ஹோம பூஜைகள் நடைபெற்றன. பிருந்தாவனத்தில் மகா பெரியவா் சுவாமிகள் தங்க ஹஸ்தம் அணிந்தும், மலா் அலங்காரத்திலும் அருள்பாலித்தாா்.