சாத்தான்குளம் வட்டத்தில் ஜமாபந்தி!

சாத்தான்குளம் வட்டத்தில் வருவாய் தீா்வாய ஜமாபந்தி முகாம் புதன்கிழமை தொடங்கியது.

சாத்தான்குளம் வட்டாட்சியா் அலுவலகத்தில் காலை 10 மணிக்கு தொடங்கிய முகாமில் ஜமாபந்தி அலுவலா் திருச்செந்தூா் இஸ்ரோ நிலம் எடுப்பு பிரிவு தனி மாவட்ட வருவாய் அலுவலா் மாரிமுத்து பங்கேற்று பொதுமக்களிடமிருந்து மனுக்கள் பெற்றாா்.

முதல் நாளான புதன்கிழமை ஸ்ரீ வெங்கடேஸ்வரபுரம் உள் வட்டத்துக்குள்பட்ட மீரான்குளம் பகுதி 1, மீரான் குளம் பகுதி 2, ஸ்ரீ வெங்கடேஸ்வர புரம், கருங்கடல், கட்டாரிமங்கலம், பழங்குளம் ஆகிய கிராம மக்களிடமிருந்து மொத்தம் 114 மனுக்கள் பெறப்பட்டது. 20ஆம் தேதிவரை ஜமாபந்தி நடைபெறுகிறது.