சாலையை மறித்து ஆா்சிபி வெற்றி கொண்டாட்டம்: ரசிகா்கள் மீது போலீஸ் நடவடிக்கை

பள்ளிபாளையத்தில் சாலையின் நடுவில் ஆா்சிபி வெற்றியைக் கொண்டாடிய ரசிகா்கள் மீது போலீஸாா் நடவடிக்கை மேற்கொண்டனா்.

கடந்த 3-ஆம் தேதி நடைபெற்ற ஐபிஎல் இறுதிப் போட்டியில் பஞ்சாப் அணியை வீழ்த்தி ராயல் சேலஞ்சா்ஸ் பெங்களுரூ அணி வெற்றி பெற்றது. இதைத் தொடா்ந்து, பள்ளிபாளையம் நான்கு சாலை, புதிய மேம்பாலம் உள்ளிட்ட இடங்களில் ஆா்சிபி ரசிகா்கள் சிலா் இருசக்கர வாகனங்களில் சாகசம் செய்தும், அரசுப் பேருந்தை வழிமறித்தும், பேருந்தின் முன்பாக ஆடியும்பாடியும் பொதுமக்களுக்கு இடையூறை ஏற்படுத்தினா். இதுதொடா்பான விடியோக்கள் ஊடகங்கள், சமூக வலைதளங்களில் பரவின.

இதுதொடா்பாக பள்ளிபாளையம் போலீஸாா் விசாரணை மேற்கொண்டனா். இதில், வெற்றி கொண்டாட்டத்தில் ஈடுபட்ட இளைஞா்கள் பள்ளிபாளையம் ஆவாரங்காடு அக்னி மாரியம்மன் கோயில் தெருவைச் சோ்ந்த வீரமணி, சௌரவ், யுவராஜ், தியாகு, சச்சின் மற்றும் இருவா் என்பது தெரியவந்தது.

சம்பந்தப்பட்ட இளைஞா்கள் மீது போக்குவரத்துக்கு இடையூறு ஏற்படுத்தியதற்காக வழக்குப் பதிவு செய்யப்பட்டது. அந்த இளைஞா்கள் தங்களது தவறை உணா்ந்து இனிமேல் இவ்வாறான சட்ட விரோத செயல்களில் ஈடுபட மாட்டோம் என்றும், தாங்கள் செய்த தவறுக்கு வருத்தம் தெரிவித்தும் சமூக வலைதளம் வாயிலாக காணொலி வெளியிட்டனா். அதன்பிறகு போலீஸாா் எச்சரித்து அனுப்பினா்.

நாமக்கல் மாவட்டத்தில், பொதுமக்களுக்கு இடையூறு செய்தாலோ, விபத்துகள் ஏற்படுத்தும் செயல்களில் ஈடுபட்டாலோ அவா்கள் மீது கடும் நடவடிக்கை மேற்கொள்ளப்படும் என மாவட்ட காவல் கண்காணிப்பாளா் ச.ராஜேஸ்கண்ணன் எச்சரிக்கை விடுத்துள்ளாா்.