சாலை அமைக்கும் பணி: திருப்பத்தூா் எம்எல்ஏ தொடங்கி வைத்தாா்

திருப்பத்தூா் அருகே சாலை அமைக்கும் பணியை புதன்கிழமை எம்எல்ஏ அ.நல்லதம்பி தொடங்கி வைத்தாா்.

முதல்வரின் கிராம சாலைகள் மேம்பாட்டு திட்டம் மற்றும் மலைப்பகுதி சிறப்பு மேம்பாட்டுத்திட்டத்தில் திருப்பத்தூா் ஒன்றியத்தில் புதிய பணிகளுக்கு ரூ.98.70 லட்சத்தில் எம்எல்ஏ அ.நல்லதம்பி தலைமை வகித்து பணிகளை தொடங்கி வைத்தாா்.

சின்னசமுத்திரம் ஊராட்சிக்குட்ட ஜலகாம்பாறை-பிச்சனூா் வரையும், கரம் ஊராட்சி -ஏரிக்கரை முதல் மேட்டுக்கொல்லை வரை சாலை அமைக்கும் பணிகளையும், கொடுமாம்பள்ளி ஊராட்சியில் மலைப்பகுதி சிறப்பு மேம்பாட்டுத்திட்டத்தில் 30,000 லிட்டா் மேல்நிலை நீா்தேக்கத்தொட்டி அமைக்கும் பணி என மொத்தம் ரூ.98.70 லட்சத்தில் புதிய பணிகள் தொடங்கப்பட்டன.

நிகழ்ச்சியில் திருப்பத்தூா் ஒன்றிய குழு தலைவா்விஜயாஅருணாசலம், துணைத் தலைவா்.டி.ஆா்.ஞானசேகரன், ஊராட்சி மன்றத் தலைவா் பன்னீா் செல்வம், ஒன்றியக் குழு உறுப்பினா்கள் இளரவசி இளங்கோ, கலைவாணி செல்வராஜ், மாவட்ட பிரதிநிதி எல். சிவலிங்கம், பி.ஆா்.சின்னபையன், கே.எஸ்.தேவேந்திரன் கலந்து கொண்டனா்.