கரூர் கூட்ட நெரிசல் பலி: பாதிக்கப்பட்டவர்களை சந்தித்து இபிஎஸ் ஆறுதல்!
பெரம்பலூா் அருகே சனிக்கிழமை காலை வேன் கவிழ்ந்து விபத்துக்குள்ளானதில் விழுப்புரம் மாவட்டத்தைச் சோ்ந்த ஒருவா் உயிரிழந்தாா்.
அரியலூா் மாவட்டம், கலியபெருமாள் கோயிலுக்கு, விழுப்புரம் மாவட்டத்தைச் சோ்ந்த 12 போ் வேனில் வந்து கொண்டிருந்தனா். இந்த வேனை, விழுப்புரம், சிந்தாமணி தெருவைச் சோ்ந்த அப்துல் சமது மகன் ரியாஸ் அகமது (25) ஓட்டிச் சென்றாா்.
திருச்சி- சென்னை தேசிய நெடுஞ்சாலையில், பெரம்பலூா் அருகேயுள்ள தண்ணீா்பந்தல் எனும் இடத்தில் சனிக்கிழமை காலை வந்தபோது, எதிா்பாராதவிதமாக வேனின் பின்பகுதி டயா் வெடித்து சாலையில் கவிழ்ந்தது.
இதில், வேனில் பயணித்த விழுப்புரம் மாவட்டம், கப்பூரைச் சோ்ந்த நடராஜன் மகன் ஜீவா (47) என்பவா் இடிபாடுகளில் சிக்கி நிகழ்விடத்திலேயே உயிரிழந்தாா். மேலும், 3 பெண்கள் உள்பட 6 போ் பலத்த காயமடைந்தனா். தகவலறிந்த பெரம்பலூா் போலீஸாா் நிகழ்விடத்துக்குச் சென்று காயமடைந்தவா்களை மீட்டு சிகிச்சைக்காக மாவட்ட அரசு தலைமை மருத்துவமனைக்கு அனுப்பிவைத்தனா்.
மேலும், உயிரிழந்த ஜீவா உடலை கைப்பற்றிய போலீஸாா் மாவட்ட அரசு தலைமை மருத்துவமனைக்கு அனுப்பிவைத்தனா். இதுகுறித்து பெரம்பலூா் போலீஸாா் வழக்குப் பதிந்து விசாரணை மேற்கொண்டு வருகின்றனா்.
