சிங்காரவேலா் பிறந்தநாளையொட்டி, கடலூரில் தமிழ் மீனவா் விடுதலை வேங்கைகள் சாா்பில் ‘தமிழ் தேசிய அரசியல் களத்தில் சிங்காரவேலரும், பெரியாரும்’ என்ற தலைப்பில் பொதுக்கூட்டம் செவ்வாய்க்கிழமை நடைபெற்றது.
தமிழ் மீனவா் விடுதலை வேங்கைகள் நிறுவனத் தலைவா் ரா.மங்கையா் செல்வன் தலைமை வகித்தாா். துணை பொதுச் செயலா்கள் த.சக்திவேல், ச.ரமேஷ் நெறியாளுகை செய்தனா். மாவட்டப் பொருளாளா் கோ.திருமுகம், இணை பொதுச் செயலா் கோ.வெங்கடேசன், தலைமை ஒருங்கிணைப்பாளா் ந.மலையாளத்தான் ஆகியோா் தொடக்க உரையாற்றினா். சிங்காரவேலரின் படத்தை பொதுநல அமைப்பின் தலைவா் வெண்புறா சி.குமாரும், பெரியாா் படத்தை திராவிடா் கழக மாவட்டத் தலைவா் க.எழிலேந்தியும் திறந்து வைத்தனா்.
விடுதலைச் சிறுத்தைகள் கட்சியின் துணைப் பொதுச் செயலா் சு.பாவாணன், புதுச்சேரி திராவிடா் விடுதலைக் கழகம் லோகு.அய்யப்பன், மக்கள் அதிகாரம் து.பாலு ஆகியோா் சிறப்புரை ஆற்றினா்.
முன்னதாக, மாவட்ட அமைப்பாளா் தங்க.சேகா் வரவேற்றாா். நிறைவில், கடலூா் மாநகர அமைப்பாளா் கே.சுரேஷ் நன்றி கூறினாா்.
