`ரிதன்யா வழக்கில் தொய்வு; விசாரணை அதிகாரி மீது சந்தேகம்' - மேற்கு மண்டல ஐ.ஜி-யிட...
கடலூா் மாவட்டம், சிதம்பரம் அருகே பரங்கிப்பேட்டையில் பெண் மா்மமாக இறந்து கிடந்த வழக்கில் திடீா் திருப்பமாக அவா் கழுத்தை நெரித்து கொலை செய்யப்பட்டது தெரியவந்துள்ளது. இது தொடா்பாக அவரது கணவா் உள்பட 4 பேரை போலீஸாா் புதன்கிழமை இரவு கைது செய்தனா்.
சிதம்பரம் அருகே உள்ள பரங்கிப்பேட்டை ஜெயின் பாவா தெருவைச் சோ்ந்தவா் ஷேக் இஸ்மாயில் (50). இவரது மனைவி பா்கத்துன்னிஷா (48). ஷேக் இஸ்மாயில் பரங்கிப்பேட்டை அருகே பு.முட்லூரில் உள்ள தனியாா் உணவகத்தில் பணியாற்றி வந்தாா். பா்கத்துன்னிஷா அந்தப் பகுதியிலுள்ள மற்றொரு உணவகத்தில் வேலை செய்து வந்தாா்.
கடந்த 6-ஆம் தேதி இரவு 11 மணியளவில் பா்கத்துன்னிஷா வேலை முடிந்து தனது மொபெட்டில் வீட்டுக்கு புறப்பட்டுச் சென்ற நிலையில், பு.முட்லூரில் இருந்து பரங்கிப்பேட்டை செல்லும் வழியில் தலையில் காயத்துடன் மா்மமான முறையில் இறந்து கிடந்தாா்.
தகவலறிந்த பரங்கிப்பேட்டை போலீஸாா் சம்பவ இடத்துக்குச் சென்று விசாரணை நடத்தினா். பின்னா், பா்கத்துன்னிஷா சடலத்தைக் கைப்பற்றி உடல்கூராய்வுக்காக விழுப்புரம் அரசு மருத்துவக் கல்லூரி மருத்துவமனைக்கு அனுப்பி வைத்தனா்.
இதையடுத்து, பரங்கிப்பேட்டை போலீஸாா் பா்கத்துன்னிஷாவின் கணவா் ஷேக் இஸ்மாயிலை காவல் நிலையத்துக்கு அழைத்து வந்து விசாரணை நடத்தினா். இதில், ஷேக் இஸ்மாயில் வேலை செய்யும் உணவகத்தில் தீா்த்தாம்பாளையம் கிராமத்தைச் சோ்ந்த வீரம்மாள் (38) வேலை செய்து வந்ததும், இருவருக்கும் தகாத உறவு இருந்ததும் தெரியவந்தது. இதையறிந்த பா்கத்துன்னிஷா, தனது கணவரையும், வீரம்மாளையும் தொடா்ந்து கண்டித்து வந்துள்ளாா்.
இந்த நிலையில், கடந்த 6-ஆம் தேதி இரவு பா்கத்துன்னிஷா தனது கணவா் வேலை செய்யும் உணவகத்துக்கு சென்று அவரிடம் இந்த பிரச்னை சம்பந்தமாக சண்டை போட்டுள்ளாா். இதனால் ஆத்திரமடைந்த வீரம்மாள், இதுகுறித்து தனது மகன் அகில்ராஜிடம் (20) கூறியுள்ளாா்.
தொடா்ந்து, அகில்ராஜ் தனது நண்பரான அதே பகுதியைச் சோ்ந்த அஜயுடன் (20) சென்று, பா்கத்துன்னிஷா வீட்டுக்கு செல்லும் வழியில் அவரை வழிமறித்து கழுத்தை நெரித்தும், முகத்தில் தாக்கியும் கொலை செய்தது விசாரணையில் தெரியவந்தது.
இதையடுத்து, போலீஸாா் சந்தேகம் மரண வழக்கை கொலை வழக்கமாக மாற்றி, ஷேக் இஸ்மாயில், வீரம்மாள், அகில்ராஜ், அஜய் ஆகியோரை புதன்கிழமை இரவு கைது செய்தனா்.
தகவலறிந்த கடலூா் மாவட்ட எஸ்.பி. எஸ்.ஜெயக்குமாா் பரங்கிப்பேட்டை காவல் நிலையத்துக்கு வந்து 4 பேரிடமும் விசாரணை நடத்தினாா்.
