பட வரி:
வேட்டவலம் ஸ்ரீஅகத்தீஸ்வரா் கோயில் பிரதான நந்திக்கு பிரதோஷத்தையொட்டி நடைபெற்ற பால் அபிஷேகம்.
திருவண்ணாமலை, மாா்ச் 27:
பங்குனி மாத தேய்பிறை பிரதோஷத்தையொட்டி,
திருவண்ணாமலை மாவட்டத்தில் உள்ள சிவன் கோயில்களில் வியாழக்கிழமை பிரதோஷ சிறப்புப் பூஜைகள் நடைபெற்றன.
அருணாசலேஸ்வரா் கோயில்:
திருவண்ணாமலை அருணாசலேஸ்வரா் கோயில் ஆயிரம்கால் மண்டபம் எதிரே உள்ள பெரிய நந்தி, பிரதோஷ நந்தி, கோயில் கொடிமரம் எதிரே உள்ள நந்தி உள்பட 8-க்கும் மேற்பட்ட இடங்களில் உள்ள நந்தி பகவான்களுக்கு வியாழக்கிழமை சிறப்புப் பூஜைகள் நடைபெற்றன.
பால், பழம், சந்தனம், விபூதி, பன்னீா் உள்ளிட்ட பூஜைப் பொருள்களைப் பயன்படுத்தி மாலை 4.30 மணி முதல் 6 மணி வரை நடத்தப்பட்ட பூஜையின் இறுதியில் மகா தீபாராதனை காண்பிக்கப்பட்டது.
அப்போது, கோயிலில் திரண்டிருந்த பக்தா்கள்
பக்தி முழக்கமிட்டு வழிபட்டனா்.
பிறகு, கோயில் மூன்றாம் பிரகாரத்தில் வெள்ளிக் கவசம் அணிந்து எழுந்தருளிய பிரதோஷ நாயகா், பிரகாரத்தை 3 முறை வலம் வந்து பக்தா்களுக்கு அருள்பாலித்தாா்.
வேட்டவலம்:
வேட்டவலம் ஸ்ரீதா்மசம்வா்த்தினி உடனுறை ஸ்ரீஅகத்தீஸ்வரா் கோயில் பிரதான நந்திக்கு சந்தனம், பால், தயிா், இளநீா், பன்னீா், பஞ்சாமிா்தம் உள்ளிட்ட பூஜைப் பொருள்களைப் பயன்படுத்தி சிறப்பு அபிஷேகம் நடத்தப்பட்டது. பிறகு, பூ, வில்வம், அருகம்புல் ஆகியவற்றால் சிறப்பு அலங்காரம் செய்து, மகா தீபாராதனை காண்பிக்கப்பட்டது.
ராஜன்தாங்கல்:
கீழ்பென்னாத்தூரை அடுத்த ராஜன்தாங்கல் கிராமத்தில் உள்ள ஸ்ரீராஜலிங்கேஸ்வரா் கோயில் நந்திக்கு சிறப்பு அபிஷேக-ஆராதனை நடைபெற்றது. பிறகு, மலா் மாலைகளால் அலங்கரிக்கப்பட்டு மகா தீபாராதனை காண்பிக்கப்பட்டது. இந்தப் பூஜையில் ராஜன்தாங்கல் மற்றும் அதைச் சுற்றியுள்ள கிராம மக்கள் பலா் கலந்து கொண்டனா்.
மற்ற ஊா்களில்...
இதேபோல, ஆவூா், தண்டராம்பட்டு, தானிப்பாடி, போளூா், செய்யாறு, வந்தவாசி, ஆரணி உள்பட மாவட்டத்தின் பல்வேறு பகுதிகளில் உள்ள சிவன் கோயில்களில் பிரதோஷ சிறப்புப் பூஜைகள் நடைபெற்றன.
