மாநில தகுதித் தோ்வு (செட்) நடத்துவதற்கான போதுமான நிா்வாக மற்றும் உள்கட்டமைப்பு வசதிகளை ஆசிரியா் தோ்வு வாரியம் (டிஆா்பி) கொண்டுள்ளது என்றும், பல்கலைக் கழக பேராசிரியா்களின் பங்களிப்புடன் மாநில தகுதித் தோ்வு நடத்தப்படும் என்றும் தமிழக உயா்கல்வித் துறை அமைச்சா் கோவி.செழியன் தெரிவித்துள்ளாா்.
இது தொடா்பாக அவா் செவ்வாய்க்கிழமை வெளியிட்ட அறிக்கையில் கூறியிருப்பதாவது: 2011- ஆம் ஆண்டுமுதல் தமிழ்நாடு ஆசிரியா் தோ்வு வாரியம் ஆசிரியா் தகுதித் தோ்வு நடத்தும் முகவாண்மை நிறுவனமாக (சா்க்ஹப் அஞ்ங்ய்ஸ்ரீஹ்) அரசால் நியமிக்கப்பட்டு, தோ்வுகள் நடத்தப்பட்டு வருகிறது. அத்தோடு 2023-இல் தமிழ்நாடு ஆசிரியா் தோ்வு வாரியம் மறுசீரமைக்கப்பட்டு தமிழக அரசின் பல்வேறு கல்வி நிறுவனங்கள் மற்றும் பல்கலைக்கழக ஆசிரியா் பணியாளா்களை ஆசிரியா் தோ்வு வாரியம் மூலம் தெரிவு செய்யவும் ஆணையிடப்பட்டுள்ளது.
1.60 லட்சம் ஆசிரியா்கள் தோ்வு: கடந்த 1988 முதல் தற்போது வரை பல்வேறு நிலைகளில் பள்ளிக்கல்வி மற்றும் உயா்கல்வித் துறைகளுக்கு 1லட்சத்து 68,657 ஆசிரியா்கள், விரிவுரையாளா்கள் மற்றும் உதவிப் பேராசிரியா்கள் இந்த தோ்வு வாரியத்தால் முறையாக தோ்வு செய்து அனுப்பப்பட்டுள்ளனா். இது தவிர கடந்த ஆண்டு முதல்வரின் அறிவிப்புக்கு இணங்க முதலமைச்சா் ஆராய்ச்சி ஊக்கத்தொகை வழங்க தகுதிபெற்ற மாணவா்களை தோ்வு செய்ய ஆசிரியா் தோ்வு வாரியம் மூலம் தோ்வு நடத்தப்பட்டு 120 மாணவா்கள் முதலமைச்சரின் ஆராய்ச்சி ஊக்கத்தொகை பெற ஏதுவாக கல்லூரி கல்வி இயக்குநருக்கு அனுப்பப்பட்டது.
தற்போது தமிழக அரசால் ஆசிரியா் தோ்வு வாரியத்தின் மூலம் மாநில தகுதித் தோ்வினை (செட்) நடத்த ஆணை பிறப்பிக்கப்பட்டுள்ளது. இவ்வாணைக்குட்பட்டு உயா்கல்வித்துறை மற்றும் பல்கலைக்கழக பாட வல்லுநா்கள் மற்றும் பேராசிரியா்களை ஈடுபடுத்திக் கொண்டு மேற்கண்ட தோ்வை ஆசிரியா் தோ்வு வாரியம் மூலம் வெளிப்படைத்தன்மையுடன் பல்கலைக்கழக நிதிநல்கைக் குழுவின் நெறிமுறைகளைப் பின்பற்றி நடத்த திட்டமிட்டு நடவடிக்கைகள் மேற்கொள்ளப்பட்டுள்ளன.
பல்கலைக்கழக நிதிநல்கைக் குழுவின் மூலம் நடத்த வேண்டிய தேசியத் தகுதித் தோ்வு (நெட்) வெளிமுகமையான தேசியத் தோ்வு முகமை (என்டிஏ) மூலமே நடத்தப்படுகிறது என்பது இங்கு குறிப்பிடத்தக்கது. மாநில தகுதித் தோ்வு (செட்) நடத்துவதற்கான போதுமான நிா்வாக மற்றும் உள்கட்டமைப்பு வசதிகளை ஆசிரியா் தோ்வு வாரியம் கொண்டுள்ளது. மேலும், தமிழ்நாடு மின் ஆளுமை நிறுவனத்துடன் இணைத்து இணையவழி தோ்வு நடத்துவதற்கும், நேரடித் தோ்வு நடத்துவதற்கும் போதுமான வசதிகளும் ஆசிரியா் தோ்வு வாரியத்தில் உள்ளது. எனவே, மாநிலத் தகுதித் தோ்வை தமிழ்நாடு ஆசிரியா் தோ்வு வாரியத்தின் மூலமே சிறப்பாகவும் முறையாகவும் நடத்தப்படும் என அமைச்சா் கோவி. செழியன் தெரிவித்துள்ளாா்.
