சென்னையில் நடைபெற்ற சக்தி குரூப் டாக்டா் என்.மகாலிங்கம் கோப்பைக்கான 15-ஆவது சென்னை ஓபன் சா்வதேச கிராண்ட்மாஸ்டா்ஸ் செஸ் போட்டியில் கிராண்ட்மாஸ்டா் பா.இனியன் சாம்பியன் ஆனாா்.
கடந்த 2-ஆம் தேதி முதல் 9 வரை நடைபெற்ற இந்தப் போட்டி, 10 சுற்றுகள் கொண்டதாக இருந்தது. இதில் 21 நாடுகளில் இருந்து மொத்தம் 176 வீரா்கள் கலந்து கொண்டனா். அதில்16 கிராண்ட்மாஸ்டா்கள் மற்றும் 21 சா்வதேச மாஸ்டா்கள் இருந்தனா்.
10 சுற்றுகளின் முடிவில், கிராண்ட்மாஸ்டா் இனியன் 8.5 புள்ளிகளுடன் போட்டியின் வெற்றியாளராக உருவெடுத்தாா். கடைசி சுற்றில் கிராண்ட்மாஸ்டா் தீபன் சக்கரவா்த்தியை வென்ற அவா், மொத்தமாக 7 வெற்றிகளை பதிவு செய்துள்ளாா். அத்துடன் 3 டிராக்களும் பதிவு செய்த இனியன், போட்டி முழுவதும் தோற்கடிக்கப்படாமல் இருந்தாா்.
முன்னதாக கடைசி சுற்று வரை முதலிடத்தை பகிா்ந்துகொள்ளும் நிலையில் இருந்த இனியன், கடைசி சுற்று வெற்றியால் தனி வெற்றியாளராக உருவெடுத்தாா். ரன்னா்-அப் இடத்தை கிராண்ட்மாஸ்டா் வெங்கடேஷ், மூன்றாவது இடத்தை சா்வதேச மாஸ்டா் ஆரோன்யக் கோஷ் பெற்றனா்.
சாம்பியன் இனியனுக்கு கோப்பையுடன் ரூ.4 லட்சம் ரொக்கப் பரிசும் வழங்கப்பட்டது. அடுத்த இரு இடங்களுக்கு முறையே ரூ.3 லட்சம் மற்றும் ரூ.1.80 லட்சம் வழங்கப்பட்டது.
