டிராக்டா் மீது வேன் மோதல்: 11 போ் காயம்

விழுப்புரம் புறவழிச்சாலையில் புதன்கிழமை டிராக்டா் மீது வேன் மோதியதில் 11 போ் காயமடைந்தனா்.

விழுப்புரம் தாமரைக்குளத்தைச் சோ்ந்த முனுசாமி மகன் வடிவேல் (60). இவா் தலைமையில் தாமரைக்குளம் ரெட்டியாா் மில் பகுதியைச் சோ்ந்த சுமாா் 20 போ், மயிலத்தில் புதன்கிழமை காலை நடைபெறவிருந்த திருமணத்தில் பங்கேற்பதற்காக வேனில் புறப்பட்டுச் சென்றனா்.

இந்த வேன் திருச்சி - சென்னை தேசிய நெடுஞ்சாலையில் விழுப்புரம் புறவழிச்சாலை, விராட்டிக்குப்பம் பகுதியில் சென்றது. அப்போது, பேரங்கியூரிலிருந்து விக்கிரவாண்டிக்கு நெல் மூட்டைகளை ஏற்றிச் சென்ற டிராக்டரை முந்திச் செல்ல முயன்றபோது, அதன் மீது வேன் மோதி விபத்துக்குள்ளானது. இந்த விபத்தில் வேனில் பயணம் செய்த 11 போ் காயமடைந்தனா்.

தகவலறிந்த விழுப்புரம் தாலுகா போலீஸாா் நிகழ்விடம் விரைந்து சென்று, காயமடைந்தவா்களை மீட்டனா். தொடா்ந்து, அவா்கள் விழுப்புரம் அரசு மருத்துவக் கல்லூரி மருத்துவமனையில் அனுமதிக்கப்பட்டனா். விபத்தால் அந்தப் பகுதியில் நீண்ட தொலைவுக்கு வாகனங்கள் அணிவகுத்து நின்ற நிலையில், போக்குவரத்தை போலீஸாா் சரி செய்தனா்.

எம்எல்ஏ ஆறுதல்: விபத்து செய்தி அறிந்த விழுப்புரம் மத்திய மாவட்ட திமுக பொறுப்பாளா் இரா.லட்சுமணன் எம்எல்ஏ மருத்துவமனைக்கு விரைந்து சென்று, சிகிச்சை பெறுபவா்களை சந்தித்து ஆறுதல் கூறினாா். மேலும், அவா்களுக்குத் தேவையான மருத்துவ உதவிகளையும், சிகிச்சைகளையும் விரைந்து மேற்கொள்ளுமாறு மருத்துவா்களுக்கு லட்சுமணன் அறிவுரை வழங்கினாா். அப்போது, கோலியனூா் ஒன்றியக்குழுத் தலைவா் சச்சிதாநந்தம், நகரச் செயலா் வெற்றிவேல் உள்ளிட்டோா் உடனிருந்தனா்.