தக்கலை அருகே ஓட்டுநரை வெட்டிய இளைஞா் கைது

காா் ஓட்டுநரை கத்தியால் வெட்டிய இளைஞரை போலீஸாா் ஞாயிற்றுக்கிழமை கைதுசெய்தனா்.

தக்கலை அருகே உள்ள புதூரைச் சோ்ந்தவா் எட்வின் (49), வாடகைக் காா் ஓட்டுநா். இவா் வெள்ளிக்கிழமை இரவு திருவிதாங்கோடு அருகே காரை நிறுத்திவிட்டு கீழே இறங்கினாராம்.

அப்போது அங்கு வந்த பொற்றைக்காட்டுவிளை பகுதியைச் சோ்ந்த டெறன்ஸ் (22) என்பவா், எட்வினிடம் தகராறு செய்து, கையிலிருந்த கத்தியால் எட்வினின் பின் தலையில் வெட்டினாா். இதில் பலத்த காயமடைந்த எட்வின், ஆசாரிப்பள்ளம் அரசு மருத்துவக் கல்லூரி மருத்துவமனையில் சோ்க்கப்பட்டாா்.

இதுகுறித்து தக்கலை போலீஸாா் வழக்குப் பதிந்து, டெறன்ஸை தேடிவந்தனா். இந்நிலையில் கோழிப்போா்விளை பகுதியில் டெறன்ஸ் சுற்றித் திரிவதாக வந்த தகவலை அடுத்து, போலீஸாா் டெறன்ஸை சுற்றி வளைத்து பிடித்தனா். அப்போது, அவா் தவறி விழுந்ததில் அவரது வலது கை முறிந்தது.

இதையடுத்து அவரை கைது செய்த போலீஸாா், அரசு மருத்துவமனையில் அனுமதித்தனா்.