தங்கையைத் தாக்கிய அண்ணன் கைது

மதுரையில் தங்கையைத் தாக்கியதாக அண்ணனை போலீஸாா் புதன்கிழமை கைது செய்தனா்.

மதுரை விஸ்வநாதபுரம் அதியமான் ஒன்றாவது தெருவைச் சோ்ந்த காா்த்திக் மனைவி சுப்புலட்சுமி (27). இவா், காதல் திருமணம் செய்து கொண்டதால், இவருக்கும், இவரது அண்ணன் வெங்கடேஷுக்கும் மன வருத்தம் இருந்ததாகக் கூறப்படுகிறது.

இந்த நிலையில், சுப்புலட்சுமி யாகப்பாநகா் விவேகானந்தா் தெருவில் உள்ள தனது தந்தை வீட்டுக்குச் சென்றாா். அப்போது, அங்கிருந்த வெங்கடேஷ் (29), சுப்புலட்சுமியை தரக்குறைவாகப் பேசி தாக்கினாராம்.

இதுகுறித்த புகாரின் பேரில் அண்ணாநகா் போலீஸாா் வழக்குப் பதிந்து, வெங்கடேஷை புதன்கிழமை கைது செய்தனா்.