காங்கிரஸ் நிகழ்ச்சியில் சுதீஷ் பங்கேற்பு: பிரேமலதா விஜயகாந்த் விளக்கம்
தமிழகத்தில் அதிமுக - பாஜக கூட்டணி வலுவாக உள்ளது என்று தமிழ் மாநில காங்கிரஸ் தலைவா் ஜி.கே.வாசன் தெரிவித்தாா்.
காங்கிரஸ் கட்சியின் மூத்த தலைவா் மறைந்த எம்.பி. சுப்பிரமணியம் நூற்றாண்டு விழா சேலத்தில் சனிக்கிழமை நடைபெற்றது. இதில் தமாகா தலைவா் ஜி.கே.வாசன் கலந்துகொண்டு, எம்.பி. சுப்பிரமணியம் உருவப் படத்தை திறந்துவைத்து மலா்தூவி மரியாதை செலுத்தினாா்.
முன்னதாக அவா் செய்தியாளா்களிடம் தெரிவித்ததாவது: தேசிய ஜனநாயக கூட்டணியில் எந்தக் குழப்பமும் இல்லை. தமிழகத்தில் தேசிய ஜனநாயக கூட்டணிதான் வலுவாக உள்ளது. தோல்வி பயத்தால், அதில் குழப்பத்தை ஏற்படுத்த ஆட்சியாளா்கள் முயல்கின்றனா். திமுக அரசை அகற்ற ஒருமித்த கருத்துடைய கட்சிகள் ஓரணியில் திரள வேண்டும்.
தமிழகத்தில் நான்கு ஆண்டுகால திமுக ஆட்சியில் சட்டம் - ஒழுங்கு சீா்கெட்டுள்ளது. வரிகள் மூலம் மக்கள் மீது சுமைகளை ஏற்றி உள்ளனா். மற்ற மாநிலங்களைவிட தமிழகத்தில் பாலியல் வன்கொடுமை அதிகமாக நடைபெறுகிறது.
கூட்டணி நாகரிகம் கருதிதான் மத்திய உள்துறை அமைச்சா் அமித் ஷா முதல்வா் வேட்பாளா் பெயரை குறிப்பிடாமல் பேசினாா். தேசிய ஜனநாயக கூட்டணி ஆட்சிக்கு வந்தால் யாா் முதல்வா் என்பது அனைவருக்கும் தெரியும்.
தமிழக அரசின் குரூப் 1 தோ்வு வினாக்களில், அரசியல் சாா்ந்த கேள்விகள் இடம்பெற்றிருப்பது கண்டனத்துக்குரியது. அரசு தோ்வில் அரசியலை புகுத்துவது அநாகரிகத்தின் உச்சம். தமிழகத்தில் வரும் தோ்தலில் தேசிய ஜனநாயக கூட்டணி 100 சதவீதம் வெற்றி பெறும் என்றாா்.
பேட்டியின்போது, முன்னாள் எம்எல்ஏ விடியல் சேகா், மாநிலப் பொதுச் செயலாளா் எம்.பி.எஸ். குலோத்துங்கன் ஆகியோா் உடனிருந்தனா்.
