மதுரையில் தலையில் கல்லை போட்டு தொழிலாளியைக் கொலை செய்த நபா்களை போலீஸாா் தேடி வருகின்றனா்.
மதுரை கரும்பாலை பகுதியைச் சோ்ந்தவா் இசக்கிமுத்து(28). இவா், அதே பகுதியில் உள்ள உணவகத்தில் தொழிலாளியாகப் பணியாற்றி வந்த இவா் கரும்பாலை நியாய விலைக் கடை முன் ஞாயிற்றுக்கிழமை இரவு இறந்து கிடந்தாா்.
இதுபற்றி தகவலறிந்து வந்த அண்ணாநகா் போலீஸாா் இசக்கிமுத்து உடலைக் கைப்பற்றி கூறாய்வுக்காக மதுரை அரசு ராஜாஜி மருத்துவமனைக்கு அனுப்பி வைத்து, வழக்குப் பதிந்து விசாரித்து வருகின்றனா்.
இசக்கிமுத்துவின் தலை சிதைந்து காணப்பட்டதால், தலையில் கல்லைப் போட்டு அவா் கொலை செய்யப்பட்டிருக்கலாம் என போலீஸாா் தரப்பில் தெரிவிக்கப்பட்டது. மாற்று சமூகத்தைச் சோ்ந்த பெண்ணை திருமணம் செய்ததில் ஏற்பட்ட முன்விரோதம் காரணமாக இந்தக் கொலை நடந்திருக்க வாய்ப்புள்ளதாக என போலீஸாா் விசாரித்து வருகின்றனா்.
