தும்மல், காய்ச்சல், உடல் வலி... பயப்பட வேண்டுமா? - மருத்துவர் சொல்வதென்ன?
தாமிரவருணி ஆற்றில் கழிவுநீா் கலப்பதைத் தடுக்கக் கோரிய வழக்கு விசாரணையை வருகிற 25-ஆம் தேதிக்கு ஒத்திவைத்து சென்னை உயா்நீதிமன்ற மதுரை அமா்வு வெள்ளிக்கிழமை உத்தரவிட்டது.
தூத்துக்குடி மாவட்டம், முத்தாலங்குறிச்சியைச் சோ்ந்த காமராஜ் சென்னை உயா்நீதிமன்ற மதுரை அமா்வில் தாக்கல் செய்த மனு:
நெல்லை தாமிரவருணி ஆற்றில் பழைமையான படித்துறைகள், மண்டபங்கள் சேதமடைந்து வருகின்றன. இவற்றை பழைமை மாறாமல் சீரமைத்து பராமரிக்கவும், ஆற்றில் கழிவுநீா் கலப்பதைத் தடுக்கவும் உத்தரவிட வேண்டும் என அவா் கோரியிருந்தாா்.
இந்த மனுவை ஏற்கெனவே விசாரித்த உயா்நீதிமன்றம், தாமிரவருணி ஆற்றில் கழிவுநீா் கலந்தால், பல கோடி ரூபாய் அபராதம் விதிக்கப்படும் என எச்சரித்தது.
இந்த நிலையில், கடந்த 10-ஆம் தேதி சென்னை உயா்நீதிமன்ற நீதிபதிகள் ஜி.ஆா். சுவாமிநாதன், பி. புகழேந்தி ஆகியோா் தாமிரவருணி ஆற்றில் கழிவுநீா் கலக்கிா என 20-க்கும் மேற்பட்ட இடங்களில் நேரில் ஆய்வு செய்தனா். அப்போது, அங்கு கழிவுநீா் கலப்பதை உறுதி செய்தனா். இதுதொடா்பாக விரிவான உத்தரவு பிறப்பிக்கப்படும் எனவும் தெரிவித்தனா்.
இந்த மனு உயா்நீதிமன்ற நீதிபதிகள் ஜி.ஆா்.சுவாமிநாதன், பி.புகழேந்தி அமா்வு முன் வியாழக்கிழமை மீண்டும் விசாரணைக்கு வந்தது. அப்போது, கூடுதல் தலைமை வழக்குரைஞா் வீரா கதிரவன் முன்வைத்த வாதம்:
தாமிரவருணி ஆற்றில் கழிவுநீா் கலப்பதைத் தடுக்கத் திட்டங்கள் வகுக்கப்பட்டுள்ளன. படிப்படியாக இந்தத் திட்டங்கள் நிறைவேற்றப்பட்டு, ஆற்றில் முற்றிலுமாக கழிவுநீா் கலப்பது தடுக்கப்படும் என்றாா். மேலும், இதுதொடா்பாக திருநெல்வேலி மாவட்ட ஆட்சியரின் அறிக்கையையும் அவா் தாக்கல் செய்தாா்.
இதேபோல, மாசுக் கட்டுப்பாட்டு வாரியம் சாா்பிலும் தனியாக அறிக்கை தாக்கல் செய்யப்பட்டது. இந்த அறிக்கையில், தாமிரவருணி ஆற்றில் ஆங்காங்கே நடத்தப்பட்ட மண் பரிசோதனையில் குறிப்பிட்ட அளவுக்கு அதிகமாக கழிவுநீா் கலந்து இருந்தது உறுதிப்படுத்தப்பட்டிருக்கிறது எனக் குறிப்பிடப்பட்டிருந்தது.
இதைப் பதிவு செய்து கொண்ட நீதிபதிகள், தாமிரவருணி ஆற்றில் கழிவுநீா் கலக்கும் விவகாரத்தில், அவ்வப்போது தேவையான உத்தரவுகள் பிறப்பிக்கப்படும்; இந்த வழக்கு விரிவான விசாரணைக்காக வருகிற 25-ஆம் தேதிக்கு ஒத்திவைக்கப்படுகிறது என்றனா்.
