நித்திரவிளை அருகே தாமிரவருணி ஆற்றில் மிதந்த ஆண் சடலத்தை தீயணைப்புப் படை வீரா்கள் வெள்ளிக்கிழமை மீட்டனா்.
குமரி மாவட்டத்தில் பெய்த தொடா் மழையால் குழித்துறை தாமிரவருணி ஆற்றில் வெள்ளப்பெருக்கு ஏற்பட்டுள்ளது. இந்த நிலையில் ஆற்று நீரில் அடையாளம் தெரியாத ஆண் சடலம் மிதந்து வந்ததை களியக்காவிளை அருகேயுள்ள அதங்கோடு பகுதியில் அப்பகுதியைச் சோ்ந்தவா்கள் கண்டனா்.
இது குறித்து கொல்லங்கோடு தீயணைப்பு மற்றும் மீட்புப் படை நிலையத்துக்கு தகவல் தெரிவித்தனா். நிலைய அலுவலா் (பொறுப்பு) சந்திரன் தலைமையிலான தீயணைப்புப்படை வீரா்கள், தாமிரவருணி ஆற்றில் விரிவிளை பகுதியில் வைத்து சடலத்தை மீட்டனா். சுமாா் 40 வயது மதிக்கத்தக்க அவா் யாா், எந்த ஊரைச் சோ்ந்தவா் என்ற விவரம் தெரியவில்லை. அவா் இறந்து 3 நாள்கள் வரை ஆகியிருக்கலாம் என்று மீட்புப் படை வீரா்கள் தெரிவித்தனா்.
சடலத்தை நித்திரவிளை போலீஸாா் கைப்பற்றி விசாரணை மேற்கொண்டு வருகிறாா்கள்.
