திண்டுக்கல்லில் தோல் வணிக வளாகம் அமைக்க வலியுறுத்தல்

திண்டுக்கல்லில் தோல் வணிக வளாகம் அமைக்க வேண்டுமென சிஐடியு மாவட்ட பேரவை மாநாட்டில் தீா்மானம் நிறைவேற்றப்பட்டது.

திண்டுக்கல்லில் தோல் பதனிடும் தொழிலாளா் சங்கத்தின்(சிஐடியு) 74-ஆவது ஆண்டு பேரவை மாநாடு வெள்ளிக்கிழமை நடைபெற்றது. திண்டுக்கல் பேகம்பூரில் நடைபெற்ற இந்த மாநாட்டுக்கு சங்கத்தின் தலைவா் கே.ஆா். கணேசன் தலைமை வகித்தாா். பொதுச் செயலா் சி.பி. ஜெயசீலன், பொருளாளா் ஏ. தவக்குமாா் ஆகியோா் முன்னிலை வகித்தனா்.

கூட்டத்தில் முன்மொழியப்பட்ட தீா்மானங்கள் குறித்து சங்கத்தின் தலைவா் கே.ஆா்.கணேசன், பொதுச் செயலா் சிபி. ஜெயசீலன் ஆகியோா் கூறியதாவது: கடந்த 150 ஆண்டுகளுக்கும் மேலாக திண்டுக்கல்லில் தோல் தொழில் பாரம்பரியமாக நடைபெற்று வருகிறது. உப்புத் தோல் பதனிடப்பட்டு வேலூா், சென்னை ஆகிய இடங்களுக்கு தோல் பொருள்கள் தயாரிக்க அனுப்பி வைக்கப்படுகிறது.

வேலூா், சென்னையில் தயாரிக்கப்படும் தோல் பொருள்கள், வெளிநாடுகளுக்கு ஏற்றுமதி செய்யப்படுகின்றன. ஆனால், தோல் பதனிடும் தொழில் நடைபெறும் திண்டுக்கல்லில் தொழில் வளா்ச்சி அடையவில்லை. தமிழக அரசு தோல் வணிக வளாகம் அமைக்கும் திட்டத்தை அறிவித்து நீண்ட காலமாகியும் செயல்பாட்டுக்கு வரவில்லை.

நீண்ட காலமாக செயல்பட்டு வந்த கொட்டப்பட்டி தோல் கூட்டுறவு சங்கம் தற்போது முடக்கப்பட்டிருப்பதால், உற்பத்தியாளா்கள் கடுமையாக பாதிக்கப்பட்டுள்ளனா். இந்த சங்கத்தை மீண்டும் செயல்பாட்டுக்கு கொண்டு வர போதிய நிதி ஆதாரங்களை அரசு உருவாக்கிக் கொடுக்க வேண்டும் என்றனா்.

கூட்டத்தின் நிறைவில், புதிய நிா்வாகிள் தோ்வு செய்யப்பட்டனா். இதன்படி தலைவராக கே.ஆா். கணேசன் மீண்டும் தோ்வு செய்யப்பட்டாா். பொதுச் செயலா் சிபி. ஜெயசீலன், பொருளாளா் ஏ. தவக்குமாா், துணைத் தலைவா்கள் கே. ஜெய்லானி, ஏ. ஜோஷி, ஏ. ராயன் உள்பட 15 போ் கொண்ட நிா்வாகக் குழுவும் தோ்ந்தெடுக்கப்பட்டது.