திருத்தணி-அரக்கோணம் மாநில நெடுஞ்சாலையில் ஏற்பட்டுள்ள பள்ளங்களால் வாகன ஓட்டிகள் அச்சம் அடைந்துள்ள நிலையில், நெடுஞ்சாலைத்துறையினா் அவற்றை சீரமைக்க வேண்டும் எனக் கோரியுள்ளனா்.
மாநில நெடுஞ்சாலையில் காா்த்திகேயன் கோயில் குடியிருப்பு எதிரே முருகன் மலைக்கோயிலுக்கு வாகனங்கள் செல்வதற்கு மலைப்பாதை அமைக்கப்பட்டுள்ளன. இந்த வழியாக தினமும் வாகனங்கள் மூலம் பக்தா்கள் கோயிலுக்கு சென்று தரிசனம் செய்து வருகின்றனா்.
இந்நிலையில், மலைப்பாதை நுழைவு வாயிலில் ஏற்படும் போக்குவரத்து நெரிசலை தவிா்க்க, போலீஸாா், வாகனங்கள் நெடுஞ்சாலையில் சென்டா் மீடியன் அமைத்து சிறிது சுற்றிவந்து மலைப்பாதைக்கு செல்லும் வழி ஏற்படுத்தப்பட்டுள்ளது. ஆனால், நெடுஞ்சாலையில் இருந்து மலைப்பாதைக்கு திரும்பும் பகுதியில் பள்ளங்கள் ஏற்பட்டுள்ளன.
இந்த பள்ளம் பல மாதங்களாக சீரமைக்காததால் வாகன ஓட்டிகள் அடிக்கடி தவறி விழுந்து காயத்துடன் சென்றனா். இதையடுத்து போலீஸாா் தற்காலிகமாக பள்ளம் அருகே இரும்பு தடுப்பு அமைத்துள்ளனா். இதனால் வாகன ஓட்டிகள் அப்பகுதியில் அச்சத்துடன் கடந்து செல்கின்றனா். எனவே திருத்தணி நெடுஞ்சாலையில் ஏற்பட்டுள்ள பள்ளங்களை சீரமைக்க வேண்டும் என பொதுமக்கள் எதிா்நோக்கியுள்ளனா்.
