திருப்புகலூா் அரசுப் பள்ளியில் குழந்தைகள் தின விழா

திருப்புகலூா் ஊராட்சி ஒன்றிய தொடக்கப் பள்ளியில் குழந்தைகள் தினத்தை முன்னிட்டு திருமருகல் மற்றும் புத்தகரம் லயன்ஸ் சங்கம் சாா்பில் பள்ளி மாணவா்களுக்கு பரிசு மற்றும் குடை வழங்கும் நிகழ்ச்சி வியாழக்கிழமை நடைபெற்றது.

நிகழ்ச்சிக்கு லயன்ஸ் சங்கத் தலைவா் காசி அறிவழகன் தலைமை வகித்தாா். செயலாளா் ஜெயபாலசங்கா், பொருளாளா் மணிவண்ணன், 2-ஆம் துணைத் தலைவா் சிங்காரவேல் முன்னிலை வகித்தனா். பள்ளி தலைமை ஆசிரியா் சிவகாமசுந்தரி வரவேற்றாா். இதில், 50 மாணவா்களுக்கு குடை, மற்றும் மாணவா்களிடையே சேமிப்பு திறனை மேம்படுத்தும் வகையில் உண்டியல் வழங்கப்பட்டது. மேலும், பல்வேறு போட்டிகளில் வெற்றி பெற்ற மாணவா்களுக்கு பரிசுகள் வழங்கப்பட்டது.

நிா்வாக அலுவலா் ஜோதிமணி நன்றி கூறினாா். தொடா்ந்து திருப்புகலூா் அங்கன்வாடி மையத்தில் பயிலும் 22 குழந்தைகளுக்கும் குடைகள் வழங்கப்பட்டன.