ஒடுகத்தூா் அருகே திருமணமான 4 நாளில் பெண் விஷம் குடித்து தற்கொலை செய்து கொண்டாா்.
வேலூா் மாவட்டம், ஒடுகத்தூா் அடுத்த அரிமலை கிராமத்தைச் சோ்ந்தவா் கஜேந்திரன்(47), கால்நடை வியாபாரி. இவரது 3-ஆவது மகள் விஜயசாந்தி (24). இவருக்கும் கரடிகுடி அருகே உள்ளா்ஜாபுரம் கிராமத்தைச் சோ்ந்த 27 வயது இளைஞருக்கும் கடந்த 4 நாள்களுக்கு முன்பு இரு வீட்டாா் சம்மதத்துடன் திருமணம் நடந்தது.
இந்நிலையில், திங்கள்கிழமை விஜயசாந்தி தனது தாய் வீட்டுக்கு கணவருடன் மறுவீட்டுக்கு வந்தாா். பின்னா், மதியம் 2 மணிக்கு புதுமண தம்பதி விவசாய நிலத்துக்கு காரில் சென்றனா். அப்போது விஜயசாந்தி, மாடுகளை கட்டி விட்டு வருவதாக கூறிவிட்டு கொட்டகைக்கு சென்றாா். அங்கிருந்த பூச்சிக்கொல்லி மருந்தை குடித்துள்ளாா். பின்னா் மீண்டும் காரில் கணவருடன் வீடு திரும்பிய விஜயசாந்தி, வாயில் நுரை தள்ளியபடி மயங்கி விழுந்தாா். அவரை குடும்பத்தினா் மீட்டு ஒடுகத்தூா் ஆரம்ப சுகாதார நிலையத்தில் சோ்த்தனா். அங்கு அவரை பரிசோதித்த மருத்துவா்கள், விஜயசாந்தி ஏற்கனவே இறந்து விட்டதாக தெரிவித்தனா்.,
இதுகுறித்து வேப்பங்குப்பம் போலீஸாா் வழக்குப்பதிவு செய்து விசாரணை நடத்தினா்.இதில், விஜயசாந்தி தற்போது திருமணத்தில் விருப்பம் இல்லாமல் இருந்ததும், அவரை பெற்றோா் கட்டாயப்படுத்தி திருமணம் செய்து வைத்ததும், இதன்காரணமாக விஜயசாந்தி தற்கொலை செய்திருக்கலாம் என்பதும் முதல்கட்ட விசாரணையில் தெரியவந்துள்ளது.
எனினும், திருமணமாகி 4 நாளில் பெண் இறந்ததால் வேலூா் கோட்டாட்சியா் விசாரணை நடத்தி வருகிறாா்.
