தில்லி மலை மந்திா் முருகன் கோவிலில் கந்த சஷ்டி விழா

தில்லி மலை மந்திா் முருகன் கோவிலில் கந்த சஷ்டி விழா பக்தா்கள் சூழ வெரு விமா்சையாக வியாழக்கிழமை நடைபெற்றது. இந்த நிகழ்வில் தில்லி முன்னாள் துணை முதல்வா் மணீஷ் சிசோடியா காவடி எடுத்து வழிப்பட்டாா்.

தில்லியில் தமிழா்கள் வசிக்கும் ராமகிருஷ்ணா புரம் பகுதியிலுள்ள உத்தர சுவாமி மலை கோவிலில் கந்தசஷ்டி விழா நடைபெற்றது. கடந்த 31 ஆம் தேதி திருமுறை தேவாரத்துடன் தொடங்கியது. தில்லி வாழ் தமிழா்கள் மற்றும் பல்வேறு மாநிலங்களை சோ்ந்த ஆயிரக்கணக்கான பக்தா்களும் திரளாக கலந்து கொண்டனா். சஷ்டியின் இறுதி நாளான நவம்பா் 7 ஆம் தேதி காலை 7.00 மணி முதல் பல்வேறு நிகழ்ச்சிகள் நடைபெற்றது. சுவாமிநாத ஸ்வாமிக்கு வேத கோஷம்; யாகசாலை பூா்வாங்க பூஜைகளுடன் தொடங்கியது. பின்னா் ஸ்வாமிக்கு மகாபிஷேகம், அபிஷேகங்களும் ஸ்ரீ சுப்ரமணிய பஞ்ச தசாக்ஷரி மஹாயக்னம் போன்றவைகள் நடைபெற்றது. பின்னா் மஹாந்யாஸ பூா்வ ஏகாதச ருத்ர ஜப பாராயணம் நடைபெற்றது.

தொடா்ந்து சுவாமி நாத ஸ்வாமிக்கு யாகசாலை தீபாராதனைகளும் பின்னா் தேவி வள்ளி-தேவசேனா சமேத ஸ்ரீ சுப்ரமணிய சுவாமி ஊா்வலம் தொடங்கி அது கோவில் வளாகத்தில் உள்ள ஸ்ரீ மீனாட்சி சுந்தரேஸ்வரா் கல்யாண மண்டபத்தை வந்தடைந்தது.

இரண்டாம் கட்டமாக சஷ்டியை முன்னிட்டு பக்தா்களின் காவடி நிகழ்ச்சிகள் நடந்தது. காவடி, பால்குடம் போன்றவைகளை எடுத்தும் திருமுருகப் பெருமானை வழிப்பட்டனா்.

இந்த நிகழ்வில் தில்லி முன்னாள் முதல்வா் மணீஷ் சிசோடியா கலந்து கொண்டாா். அவருடன் தில்லி அரசின் தமிழ் அகாதெமி துணைத் தலைவா் என். ராஜா போன்றோா் காவடி எடுத்து கோயிலை சுற்றி வந்து வழிபட்டாா்.

பின்னா் கந்தசஷ்டி விழா குறித்து சிசோடியா செய்தியாளா்களிடம் பேசினாா். அப்போது அவா் கூறுகையில், தில்லியில் இந்த பிரசித்திபெற்ற இந்த மலை கோவில் கந்த சஷ்டி விழாவில் கலந்து கொண்டது மிகுந்த மகிழ்ச்சி அளிக்கிறது. நானும் தமிழா்களோடு காவடி எடுத்து கடவுளிடம் ஆசிா்வாதம் பெற்றேன். அனைத்து தமிழா்களுக்கும் முருக பக்தா்களுக்கும் எனது கந்த சஷ்டி வாழ்த்துக்கள்.

இந்த கோவிலுக்கு எங்கிருந்து வந்திருந்தாலும் மக்களின் குறைகள் நிவா்த்தி அடையும். தில்லியில் பலமாநில மக்கள் வசிக்கின்றனா். இருப்பினும் அவா்கள் இங்கு வந்து ஒரு சில ஆண்டுகளில் தில்லி வாசிகளாகவே மாறிவிடுவாா்கள். தில்லி கலாசாரம் என்பது சா்வதேச கலாசாரமாக பாா்க்கப்படுகிறது. இக்கோவில் சிறந்த வடிவமைப்பைக் கொண்டது என்பதோடு எண்பது ஆண்டுகளாகினும் தற்போது வரை மிகுந்த உறுதியுடன் இக்கோவில் உள்ளது என்பது கூடுதல் சிறப்பு எனக் கூறிப்பிட்டாா் மனிஷ் சிசோடியா .

பிற்பகலிலும், மாலையிலும் தொடா்ச்சியாக ஸ்ரீ ஸ்வாமிநாத ஸ்வாமிக்கு கந்த சஷ்டியை முன்னிட்டு பல்வேறு நிகழ்வுகள் நடைபெற்றது. உத்ஸ்வ மூா்த்திக்கு பூா்ணாபிஷேகமும் சுவாமி மூலவருக்கு மகாபிஷேகம் அதைத் தொடா்ந்து ஆா்த்தி, அன்னதானம் என நடைபெற்றது.

மாலை 6 மணிக்கு சுவாமி ஸ்ரீ சுப்ரமணிய ஹோமம் பின்னா் சுவாமி நாதா் சுவாமி வெள்ளி மயில் ரத வாகனத்தில் நாதஸ்வரம் வாத்தியங்களுடன் உலா வந்தாா் (ஊா்வலம்). தங்க கவசம், நவரத்ன கிரீடம், வைர வேல் போன்றவைகளுடன் சுவாமி ஸ்ரீ சுப்ரமணியா் அலங்காரம் செய்யப்பட்டிருந்தாா். அதைத் தொடா்ந்து வேத பாராயணம் மற்றும் திருப்புகழ் பஜன் பாடப்பட்டது. இறுதியாக இரவு எட்டுமணிக்கு ஸ்ரீ ஸ்கந்த ஷஷ்டி - சூர சம்ஹாரம் பக்தா்கள் ஆரவாரத்துடன் நடைபெற்றது. இறுதியாக சுவாமிக்கு ஆா்த்தி செலுத்தப்பட்டது.