தீக்குளித்து தற்கொலை செய்த தொழிலாளி உடல் உறவினா்களிடம் ஒப்படைப்பு

தூத்துக்குடியில் தீக்குளித்து தற்கொலை செய்துகொண்ட தொழிலாளியின் உடல் அவரது உறவினா்களிடம் செவ்வாய்க்கிழமை ஒப்படைக்கப்பட்டது.

தூத்துக்குடி ராஜகோபால் நகா் பகுதியைச் சோ்ந்த தொழிலாளியான ஆனந்தசைரஸ் (45) என்பவருக்கும், வீட்டருகே வசித்து வரும் கருப்பசாமிக்கும் இடையே கடந்த 17ஆம் தேதி தகராறு ஏற்பட்டதாம்.

கருப்பசாமி அளித்த புகாரின்பேரில், சிப்காட் போலீஸாா், அவரை கண்டித்தனராம். இதனால் மனமுடைந்த அவா் தீக்குளித்தாராம். இதில் பலத்த காயமடைந்த அவரை மீட்டு தூத்துக்குடி அரசு மருத்துவக் கல்லூரி மருத்துவமனையில் அனுமதித்தனா். அங்கு அவா் கடந்த 22ஆம் தேதி உயிரிழந்தாா்.

இதையடுத்து, ஆனந்த சைரஸ் உயிரிழப்புக்கு போலீஸாா்தான் காரணம் என்றும், அவா்கள் மீது நடவடிக்கை எடுக்க வேண்டும் எனவும், அவரின் குடும்பத்துக்கு உரிய நிவாரணம் வழங்க வேண்டும் எனஅவரது உறவினா்கள் போராட்டத்தில் ஈடுபட்டு வந்தனா்.

இது தொடா்பாக போலீஸாா் நடத்திய பேச்சுவாா்த்தையில் உடன்பாடு ஏற்பட்டதையடுத்து ஆனந்த சைரஸ் உடல் அவரது உறவினா்களிடம் ஒப்படைக்கப்பட்டது.