பிரபல தொழிலதிபரும், நடிகருமான லெஜண்ட் சரவணனின் புதிய திரைப்படம் வரும் தீபாவளி பண்டிகையின்போது திரையரங்குகளில் வெளியாகும் எனத் தெரிவிக்கப்பட்டுள்ளது.
லெஜண்ட் சரவணன், கதாநாயகனாக அறிமுகமான “தி லெஜண்ட்” எனும் திரைப்படம் கடந்த 2022 ஆம் ஆண்டு வெளியாகி கலவையான விமர்சனங்களைப் பெற்றது.
இதனைத் தொடர்ந்து, லெஜண்ட் சரவணனின் புதிய திரைப்படத்தை, ‘கருடன்’ பட இயக்குநரான துரை செந்தில்குமார் இயக்கவுள்ளதாக அறிவிக்கப்பட்டது.
இந்தப் படத்தில், மாறுபட்ட தோற்றத்தில் சரவணன் நடிப்பதாக வெளியாக புகைப்படங்கள், அவரது ரசிகர்களிடையே மிகப் பெரியளவில் எதிர்பார்ப்பை உருவாக்கியுள்ளது.
இந்நிலையில், திருமண நிகழ்ச்சி ஒன்றில் பேசிய சரவணன், இந்தத் திரைப்படத்தின் படப்பிடிப்பு இறுதிக்கட்டத்தை எட்டியுள்ளதாகவும், வரும் தீபாவளி பண்டிகையின்போது உலகளவிலுள்ள திரையரங்குகளில் வெளியாகும் எனவும் தெரிவித்துள்ளார்.
இதுவரை, பெயர் அறிவிக்கப்படாத இந்தப் புதிய படத்தில் நடிகர்கள் ஷாம், பாயல் ராஜ்புட், ஆண்ட்ரியா ஆகியோர் முக்கிய கதாபாத்திரங்களில் நடிப்பது குறிப்பிடத்தக்கது.
SUMMARY
Legend Saravanan's new film to release for Diwali!
இதையும் படிக்க: கோலிவுட் சூப்பர்ஸ்டார்... விஜய்க்கு சிங்கப்பூர் தூதர் புகழாரம்!
