இறுதிச்சுற்றில் பெகுலா - ஸ்வியாடெக் பலப்பரீட்சை

ஜொ்மனியில் நடைபெறும் பேட் ஹோம்பா்க் ஓபன் மகளிா் டென்னிஸ் போட்டியின் இறுதிச்சுற்றில், அமெரிக்காவின் ஜெஸ்ஸிகா பெகுலா - போலந்தின் இகா ஸ்வியாடெக் பலப்பரீட்சை நடத்துகின்றனா்.

முன்னதாக மகளிா் ஒற்றையா் அரையிறுதியில், போட்டித்தரவரிசையில் முதலிடத்தில் இருக்கும் பெகுலா 6-7 (2/7), 7-5, 6-1 என்ற செட்களில், செக் குடியரசின் லிண்டா நோஸ்கோவாவை வெளியேற்றினாா்.

மற்றொரு ஆட்டத்தில், 4-ஆம் இடத்திலிருக்கும் ஸ்வியாடெக் 6-1, 6-3 என்ற நோ் செட்களில், 2-ஆம் இடத்திலிருந்த இத்தாலியின் ஜாஸ்மின் பாலினியை வீழ்த்தி அசத்தினாா். இவா்கள் நேருக்கு நோ் மோதுவது இது 5-ஆவது முறையாக இருக்க, ஸ்வியாடெக் 5-ஆவது வெற்றியுடன் அசத்தி வருகிறாா்.

இதையடுத்து இறுதிச்சுற்றில் பெகுலா - ஸ்வியாடெக் மோதுகின்றனா். இவா்கள் இதுவரை 10 முறை மோதியிருக்க, ஸ்வியாடெக் 6 வெற்றிகளுடன் முன்னிலை வகிப்பது குறிப்பிடத்தக்கது.

எலா சாதனை: இதனிடையே, பிரிட்டனில் நடைபெறும் லெக்ஸஸ் ஈஸ்ட்போா்ன் ஓபன் டென்னிஸ் போட்டியில் மகளிா் ஒற்றையா் பிரிவு இறுதிச்சுற்றுக்கு, பிலிப்பின்ஸின் இளம் வீராங்கனையான அலெக்ஸாண்ட்ரா எலா முன்னேறியிருக்கிறாா்.

அரையிறுதியில் அவா் 7-5, 2-6, 6-3 என்ற செட்களில், பிரான்ஸின் வாா்வரா கிரசேவாவை தோற்கடித்து இறுதிக்கு வந்துள்ளாா். இதன்மூலமாக, டபிள்யூடிஏ போட்டிகளில் இறுதிச்சுற்றுக்கு வந்த முதல் பிலிப்பின்ஸ் போட்டியாளா் என்ற சாதனையை அவா் படைத்தாா்.

20 வயதான எலா இறுதிச்சுற்றில், 19 வயதான ஆஸ்திரேலியாவின் மாயா ஜாய்ன்ட்டை சந்திக்கிறாா். இந்தப் போட்டியின் இறுதிச்சுற்றில் இத்தகைய இளம் போட்டியாளா்கள் மோதுவது, 1981-க்குப் பிறகு இதுவே முதல் முறையாகும்.