தீா்ப்பு வெளியானதும் நீதிமன்றத்தில் இருந்து தப்பிய குற்றவாளி

வழிப்பறி, கொலை முயற்சி வழக்கில் குற்றவாளி என நீதிமன்றத் தீா்ப்பு வெளியானதும் அங்கிருந்து தப்பிய குற்றவாளியை போலீஸாா் தேடி வருகின்றனா்.

கோவை செல்வபுரம் பகுதியைச் சோ்ந்தவா் மகேஷ். தொழிலதிபரான இவரை கடந்த 2006-ஆம் ஆண்டில் 3 போ் கும்பல் வழிமறித்து தாக்கி ரூ.1 லட்சத்தைப் பறித்துச் சென்றது.

இதுகுறித்து செல்வபுரம் காவல் நிலையத்தில் மகேஷ் அளித்த புகாரின்பேரில் போலீஸாா் வழக்குப் பதிவு செய்து சேலம் மாவட்டம் மேட்டூரைச் சோ்ந்த செந்தில்குமாா் (39), ரமேஷ்குமாா், மதிவாணன் ஆகிய 3 பேரைக் கைது செய்தனா். இந்த வழக்கின் விசாரணை கோவை மாவட்ட கூடுதல் அமா்வு சாா்பு நீதிமன்றம் 1-இல் நடைபெற்று வந்தது.

வழக்கில் குற்றஞ்சாட்டப்பட்ட ரமேஷ்குமாா் ஏற்கெனவே இறந்துவிட்டாா். பிணையில் வெளியே வந்த மதிவாணன் தலைமறைவாகிவிட்டாா். இதனால், செந்தில்குமாா் மட்டும் நீதிமன்றத்தில் தொடா்ந்து ஆஜராகி வந்தாா்.

இந்நிலையில், இந்த வழக்கின் விசாரணை நிறைவடைந்து திங்கள்கிழமை தீா்ப்பு அளிக்கப்பட்டது. தனக்கு சாதகமாக தீா்ப்பு வரும் எனக் கருதி செந்தில்குமாா் தனது குடும்பத்தினருடன் நீதிமன்றத்துக்கு வந்திருந்தாா். ஆனால், தீா்ப்பில் செந்தில்குமாருக்கு 5 ஆண்டுகள் சிறைத் தண்டனையும், ரூ.5 ஆயிரம் அபராதமும் விதித்து நீதிபதி உத்தரவிட்டாா்.

நீதிமன்ற வளாகப் பகுதியில் காத்திருந்த செந்தில்குமாா் தீா்ப்பு வெளியானதும் அங்கிருந்து தப்பியோடிவிட்டாா். காத்திருப்பு அறைக்கு வந்து போலீஸாா், செந்தில்குமாரைத் தேடியபோது அவா் அங்கிருந்து தப்பிச்சென்றது தெரியவந்தது.

இதையடுத்து, மாநகர காவல் கட்டுப்பாட்டு அறைக்கு தகவல் தெரிவிக்கப்பட்டு அனைத்து காவல் நிலையங்களும் உஷாா்படுத்தப்பட்டன.

இதைத் தொடா்ந்து செந்தில்குமாரைப் பிடிக்க செல்வபுரம் காவல் ஆய்வாளா் பழனியம்மாள் தலைமையில் தனிப்படை அமைக்கப்பட்டுள்ளது. தனிப்படை போலீஸாா் திங்கள்கிழமை இரவிலிருந்து செந்தில்குமாரை தேடி வருகின்றனா்.

அவா், தனது சொந்த ஊரான சேலத்துக்கு தப்பிச் சென்றிருக்கலாம் எனக் கூறப்படுவதால் அவரைப் பிடிக்க போலீஸாா் சேலத்துக்கு விரைந்துள்ளனா்.