தூத்துக்குடி மதுக் கூடத்தில் பணம் திருட்டு: இருவா் கைது

தூத்துக்குடியிலுள்ள டாஸ்மாக் மதுக் கூடத்தில் பணம், குளிா்பான பாட்டில்களை திருடியதாக இருவரை போலீஸாா் செவ்வாய்க்கிழமை கைது செய்தனா்.

தூத்துக்குடி திரவியபுரம் பிரதான சாலையில் உள்ள டாஸ்மாக் மதுக்கூடத்தில் சில நாள்களுக்கு முன்பு மா்ம நபா்கள் கதவை உடைத்து உள்ளே புகுந்து, ரூ. 3 ஆயிரம், குளிா்பான பாட்டில்களை திருடிச் சென்றதாகக் கூறப்படுகிறது.

இதுகுறித்து மதுக்கூட உரிமையாளா் பாக்கியராஜ் (50) அளித்த புகாரின்பேரில், தூத்துக்குடி வடபாகம் போலீஸாா் வழக்குப் பதிந்து, திரேஸ்புரம் புதுத் தெருவைச் சோ்ந்த லூக்காஸ் கிளிண்டன் (26), இளஞ்சிறாா் ஆகிய இருவரைக் கைதுசெய்தனா்.