தூத்துக்குடி மீனவா்கள் இன்றுமுதல் 4 நாள்கள் கடலுக்குச் செல்லத் தடை

சூறாவளிக் காற்று காரணமாக, தூத்துக்குடி விசைப்படகு மீனவா்கள் செவ்வாய்க்கிழமைமுதல் (நவ. 26) 4 நாள்கள் கடலுக்குச் செல்ல வேண்டாம் என, மீன்வளத் துறை சாா்பில் தெரிவிக்கப்பட்டுள்ளது.

தென்தமிழகக் கடலோரப் பகுதிகள், மன்னாா் வளைகுடா, குமரிக் கடல் பகுதிகளில் சூறாவளிக் காற்று அதிகபட்சமாக மணிக்கு 75 கி.மீ. வேகத்தில் வீசக்கூடும் என சென்னை வானிலை ஆய்வு மையம் எச்சரிக்கை விடுத்துள்ளது.

எனவே, விசைப்படகு மீனவா்கள் செவ்வாய்க்கிழமைமுதல் (நவ. 26) 4 நாள்கள் கடலுக்குச் செல்ல வேண்டாம் என, மீன்வளத் துறை தெரிவித்துள்ளது.