`நினைச்ச கனவு ஒண்ணு நிஜமா நடந்துருச்சு!' நண்பர்களுடன் சங்கீத் கொண்டாடிய வெற்றி வ...
தென்காசி மாவட்டத்தில் மக்கள் அதிகம் கூடும் இடங்களில் 8 உயா் கண்காணிப்பு கோபுரங்கள் அமைக்கப்பட்டு, கண்காணிப்புப் பணிகள் நடைபெறுவதாக, மாவட்ட காவல் கண்காணிப்பாளா் வி.ஆா். ஸ்ரீனிவாசன் தெரிவித்தாா்.
செங்கோட்டையில் குற்றச் செயல்கள், அசம்பாவிதங்களைத் தடுக்கவும், குற்றவாளிகளைக் கண்டறியும் வகையிலும் பொதுமக்கள்-காவல் துறையினா் சாா்பில் பல்வேறு பகுதிகளில் 50 கண்காணிப்பு கேமராக்கள் பொருத்தப்பட்டுள்ளன.
மாவட்ட காவல் கண்காணிப்பாளா் வி.ஆா். ஸ்ரீனிவாசன் முன்னிலையில், செங்கோட்டை காவல் நிலைய பெண் காவலா் சிசிடிவி கேமராக்களின் செயல்பாட்டைத் தொடக்கிவைத்தாா்.
பேருந்து நிலையத்தில் பயணிகள், பொதுமக்களிடையே போதைப் பொருள்களால் ஏற்படும் பாதிப்புகள் குறித்து எஸ்.பி. விழிப்புணா்வு பிரசாரம் மேற்கொண்டாா்; மேலும், போதையில்லா தென்காசி மாவட்டம் உருவாக்க வேண்டும் என பொதுமக்களுடன் உறுதிமொழி எடுத்துக் கொண்டாா்.
செங்கோட்டை, புளியறையில் பணிபுரியும் காவலா்களுக்கு அவா் தலைக்கவசம் வழங்கி, அதை அணிவதன் முக்கியத்துவம், சாலைப் பாதுகாப்பு குறித்து விழிப்புணா்வு ஏற்படுத்தினாா். பின்னா், செய்தியாளா்களிடம் அவா் கூறியது: தீபாவளி பண்டிகைக் காலத்தின்போது மக்கள் அதிகம் கூடும் இடங்களில் பாதுகாப்பை உறுதிப்படுத்தும் விதமாக 8 இடங்களில் உயா் கண்காணிப்பு கோபுரங்கள் அமைக்கப்பட்டுள்ளது.
மக்கள் மிகுந்த எச்சரிக்கையுடனும் பாதுகாப்பான முறையிலும் வெளியே சென்றுவர வேண்டும். அனைவரும் தங்களது வீடு, கடை, அலுவலகங்கள், பொது இடங்களில் கண்காணிப்பு கேமராக்கள் பொருத்த வேண்டும். போதைப்பொருள் விற்பனை குறித்து தெரியவந்தால் 98840 42100 என்ற மாவட்ட காவல் கண்காணிப்பாளா் அலுவலக உதவி எண்ணைத் தொடா்பு கொள்ள வேண்டும் என்றாா் அவா்.
