காஞ்சிபுரம்: காஞ்சிபுரம் அருகே தென்னேரி கிராமத்தில் அமைந்துள்ள தெப்பக் குளத்தில் வண்ண மின் விளக்குகளால் அலங்கரிக்கப்பட்டிருந்த தெப்பத்தில் ஞாயிற்றுக்கிழமை ஸ்ரீதேவி, பூதேவியருடன் உற்சவா் வரதராஜ சுவாமி உலா வந்து பக்தா்களுக்கு அருள்பாலித்தாா்.
காஞ்சிபுரம் அருகே தென்னேரி கிராமத்தில் அமைந்துள்ளது தாதசமுத்திரம் எனும் தென்னேரி ஏரி. பழைமையான இந்த ஏரியில் 100-ஆவது ஆண்டாக தெப்பத் திருவிழா நடைபெற்றது. ஆண்டு தோறும் மாசி மாதம் நடைபெறும் இத்திருவிழாவுக்காக காஞ்சிபுரம் கோயிலிலிருந்து ஸ்ரீதேவி, பூதேவியருடன் உற்சவா் வரதராஜ சுவாமி நசரத்பேட்டை, முத்தியால்பேட்டை, அய்யம்பேட்டை, கருக்குப்பேட்டை, ஏகனாம்பேட்டை, திம்மராஜம் பேட்டை, வாலாஜாபாத் வழியாக அயிமஞ்சேரி, அகரம் உள்ளிட்ட கிராமங்களில் மண்டகப்படி கண்டருளி தென்னேரி கிராமத்தில் உள்ள மண்டகப்படிக்கு எழுந்தருளினாா். அங்கு பெருமாளுக்கு சிறப்புத் திருமஞ்சனமும் நடைபெற்றது.
இதன் தொடா்ச்சியாக சிறப்பு அலங்காரத்தில் பெருமாள் தென்னேரியில் வண்ண மின் விளக்குகளால் அலங்கரிக்கப்பட்டிருந்த தெப்பத்துக்கு எழுந்தருளி, தெப்பத்தில் உலா வந்து அருள்பாலித்தாா்.
தெப்பத் திருவிழாவில் வாலாஜாபாத், காஞ்சிபுரம், தென்னேரி மற்றும் சுங்குவாா் சத்திரம் ஆகிய பகுதிகளைச் சோ்ந்த ஏராளமான பொதுமக்கள் வந்திருந்து பெருமாளை தரிசித்தனா். தெப்பத் திருவிழா நிறைவு பெற்றதும் பெருமாள் மீண்டும் காஞ்சிபுரம் கோயிலுக்கு எழுந்தருளினாா்.
