தென் மண்டல கைப்பந்துப் போட்டி: தமிழகம் சிறப்பிடம்

திருவண்ணாமலை மாவட்டம், ஆரணியில் நடைபெற்ற தென் மண்டல அளவிலான கைப்பந்துப் போட்டியில் ஆடவா், மகளிா் என இரு பிரிவுகளிலும் தமிழக அணி வெற்றி பெற்று சிறப்பிடம் பெற்றது.

ஆரணியை அடுத்த ஆகாரம் கிராமத்தில் உள்ள ஆரஞ்சு பிரிட்டிஷ் அகாதெமி பள்ளி மைதானத்தில் கைப்பந்துப் போட்டி வெள்ளிக்கிழமை தொடங்கியது.

கைப்பந்து ஃபெடரேஷன் ஆஃப் இந்தியா சங்கத்தின் பொதுச் செயலா் டாக்டா் பிரிட்பால் சிங் சலூஜா மேற்பாா்வையில் நடைபெற்ற இந்த கைப்பந்துப் போட்டியில், தமிழகம், புதுச்சேரி, கோவா, கா்நாடகம், ஆந்திரம், தெலங்கானா, அந்தமான் ஆகிய மாநிலங்கள் பங்கேற்றன. போட்டிகள் தொடா்ந்து 3 நாள்கள் நடைபெற்றன.

இதில், ஆடவா் பிரிவில் தமிழக அணி முதலிடத்தையும், கேரளா 2-ஆவது இடத்தையும், கா்நாடகா, புதுச்சேரி ஆகிய அணிகள் 3-ஆம் இடத்தையும் பெற்றன.

மேலும், மகளிா் பிரிவில் தமிழகம் முதலிடத்தையும், கேரளா 2-ஆவது இடத்தையும், தெலங்கானா, கா்நாடகா அணிகள் 3-ஆம் இடத்தையும் பெற்றன.

வெற்றி பெற்ற அணிகளுக்கு பரிசு வழங்கும்

நிகழ்ச்சி ஞாயிற்றுக்கிழமை நடைபெற்றது.

இதில் ஆரஞ்சு பள்ளித் தலைவரும், தமிழ்நாடு கைப்பந்து சங்கத்தின் துணைத் தலைவருமான கே.சிவக்குமாா் தலைமை வகித்தாா்.

சிறப்பு விருந்தினராக கலந்து கொண்ட ஆரணி எம்பி எம்.எஸ்.தரணிவேந்தன் பரிசுக் கோப்பைகள் மற்றும் பதக்கங்களை வழங்கினாா்.

நிகழ்ச்சியில் தமிழ்நாடு கைப்பந்து சங்கத்தின் செயலா் என்.ராஜசேகா், புதுச்சேரி கைப்பந்து சங்கத்தின் தலைவா் டி.எம்.வருண்முத்துலிங்கம், முன்னாள் ஒன்றியக் குழுத் தலைவா் ஜெயராணி ரவி, சேத்துப்பட்டு திமுக நகரச் செயலா் முருகன், பள்ளி முதல்வா் செந்தில் உள்ளிட்ட பலா் கலந்து கொண்டனா்.