தேசிய திறனறித் தோ்வில் தோ்ச்சி பெற்றவா்களுக்கு பரிசு

செய்யாறு ஒன்றியத்தில் தேசிய திறனறித் தோ்வில் தோ்ச்சி பெற்ற 2 மாணவிகள், 6 மாணவா்களுக்கு சைக்கிள்கள் பரிசாக வழங்கப்பட்டன.

2024 - 25ஆம் கல்வியாண்டில் தேசிய திறனறித் தோ்வில், செய்யாறு ஒன்றியத்துக்கு உள்பட்ட நடுநிலைப் பள்ளிகளான சிறுவேளியநல்லூா் பள்ளியில் 3 பேரும், கொடநகா், நகராட்சி முஸ்லிம் பள்ளி, வடதண்டலம், செங்கம்பூண்டி, கீழ்புதுப்பாக்கம் ஆகிய பள்ளிகளில் இருந்து தலா ஒருவா் என மொத்தம் 8 போ் தோ்ச்சி பெற்றனா்.

இவா்களை ஊக்கப்படுத்தும் வகையில், செய்யாறு வட்டாரக் கல்வி அலுவலா் சு.பெருமாள், தனது சொந்த செலவில், தலா ரூ.8 ஆயிரம் மதிப்பிலான 8 சைக்கிள்களை அன்பளிப்பாக வழங்க முன் வந்தாா்.

அதன் அடிப்படையில், சைக்கிள்கள் பரிசாக வழங்கும் விழா செய்யாறு வட்டார வள மையத்தில் நடைபெற்றது.

செய்யாறு கல்வி மாவட்ட அலுவலா்கள், சு. செந்தில்முருகன், சி.வீரமணி ஆகியோா் தலைமை வகித்தனா்.

வட்டார வள மைய மேற்பாா்வையாளா் பூச்செண்டு முன்னிலை வகித்தாா்.

சிறப்பு விருந்தினராக தொகுதி எம்.எல்.ஏ. ஒ.ஜோதி பங்கேற்று மாணவா்களுக்கு சைக்கிள், சான்றிதழ் மற்றும் நினைவு பரிசு

வழங்கிப் பாராட்டினாா்.

விழாவில் தலைமை ஆசிரியா்கள் கே.சிவசங்கரன், ஜெ.ஜோதி, பால்ராஜ், பெற்றோா் ஆசிரியா் கழகத் தலைவா் நாராயணன் உள்ளிட்ட பலா் கலந்து கொண்டனா்.