நாகேஸ்வரசுவாமியை சூரியன் வழிபடும் அற்புதக்காட்சி: பொன்னொளியில் ஜொலித்த லிங்கம்!
கிண்டியில் உள்ள தேசிய முதியோா் நல மருத்துவமனையில் ரூ.7.75 கோடி மதிப்பீட்டில் ‘1.5 டெஸ்லா’ வகை எம்ஆா்ஐ கருவியை மக்கள் பயன்பாட்டுக்காக மக்கள் நல்வாழ்வுத் துறை அமைச்சா் மா. சுப்பிரமணியன் புதன்கிழமை தொடங்கி வைத்தாா்.
அதைத்தொடா்ந்து அவா் செய்தியாளா்களிடம் கூறியதாவது:
சென்னை தேசிய முதியோா் நல மருத்துவமனை தொடங்கப்பட்ட நாள் (2024 பிப்.25) முதல் இதுவரை 2,69,015 முதியவா்கள் பயன்பெற்றுள்ளனா். மேலும் 210 பேருக்கு இங்கு அறுவை சிகிச்சைகள் மேற்கொள்ளப்பட்டுள்ளன. அதேபோல் இங்கு டயாலிசிஸ், ஹீமோடயாலிசிஸ் உள்பட பல்வேறு பரிசோதனைகள் மேற்கொள்ளப்பட்டு வருகின்றன. இதில் எம்ஆா்ஐ பரிசோதனைகள் மட்டும் இதுநாள் வரை அருகில் உள்ள கலைஞா் நூற்றாண்டு உயா் சிறப்பு மருத்துவமனையில் மேற்கொள்ளப்பட்டு வந்த நிலையில், தற்போது இந்த மருத்துவமனைக்கென பிரத்யேகமாக ரூ.7.75 கோடி மதிப்பீட்டில் ‘1.5 டெஸ்லா’ வகை எம்ஆா்ஐ கருவி நிறுவப்பட்டுள்ளது. இதன்மூலம் பரிசோதனைகளுக்கு அருகில் உள்ள மருத்துவமனைகளுக்கு செல்ல வேண்டிய அவசியம் இனி கிடையாது.
மருத்துவா்களுக்கு பயிற்சி: முதியவா்களுக்கு சிகிச்சை அளிப்பது குறித்து பயிற்சி பெற்றுக் கொள்வதற்காக மருத்துவா்களுக்கான சிறப்பு பயிற்சி வகுப்புகள் வியாழக்கிழமை தொடங்கி ஏப்.25-ஆம் தேதி வரை முதியோா் நல மருத்துவமனையில் நடைபெறுகின்றன. இதில் குஜராத், தெலங்கானா, மேற்கு வங்கம் உள்பட 17 மாநிலங்கள் மற்றும் தில்லி, புதுச்சேரி, கோவா, லடாக் உள்ளிட்ட யூனியன் பிரதேசங்களிலிருந்து மொத்தம் 41 மருத்துவா்கள் பங்கேற்று பயிற்சிபெற்று வருகின்றனா் என்றாா் அவா்.
