செய்திகள் :

தேன் கூட்டில் கல்லெறிந்த இளைஞர்கள்; காட்டில் அத்துமீறியதால் பரிதாபமாக பறிபோன உயிர் - என்ன நடந்தது?

post image

ரம்ஜான் விடுமுறையைக் கொண்டாடும் விதமாக கேரளா மாநிலம் கோழிகோடு பகுதியை சேர்ந்த 3 இளைஞர்கள் ஊட்டிக்கு சுற்றுலா வந்துள்ளனர். பல இடங்களை சுற்றிப் பார்த்த அவர்கள், நீலகிரி மாவட்டம் கூடலூர் அருகில் உள்ள ஊசி மலை காட்சி முனைக்கு நேற்று சென்றுள்ளனர். அந்த பகுதியில் வழக்கமாக சுற்றுலா பயணிகளை அனுமதிக்கும் இடத்தையும் தாண்டிய இளைஞர்கள் மூவரும் பாதுகாக்கப்பட்ட வனப்பகுதிக்குள் அத்துமீறி நுழைந்துள்ளனர்.

ஆபத்தான பாறைச் சரிவுகளில் இறங்கிச் சென்றுள்ளனர். அப்போது பாறையில் தென்பட்ட தேன் கூட்டில் கல்லெறிந்ததாக கூறப்படுகிறது.

ஊசிமலை காட்சி முனை

அதனால் கலைந்து வந்த ஆயிரக்கணக்கான தேனீக்கள் இளைஞர்களை கொட்டியுள்ளன.

ஒரு இளைஞரின் உடலில் நூற்றுக்கணக்கான தேனீக்கள் கொட்டிய நிலையில், அதே இடத்தில் மயங்கி விழுந்துள்ளார். தேனீக்கள் கொட்டிய பாதிப்புடன் இரண்டு இளைஞர்களும் அங்கிருந்து தப்பி ஓடியுள்ளனர். காட்சி முனையில் இருந்த வனத்துறையினருக்கு இது குறித்து தகவல் தெரிவித்துள்ளனர். காவல்துறை மற்றும் தீயணைப்பு வீரர்களுடன் சென்று அந்த இளைஞரை மீட்கும்‌ முயற்சியில் ஈடுபட்டுள்ளனர். அதற்குள் அந்த இளைஞர் நிகழ்விடத்திலேயே பரிதாபமாக உயிரிழந்துள்ளார்.

அத்துமீறல்களில் ஈடுபட வேண்டாம்

இந்த துயரம் குறித்து வனத்துறையினர், " ஊசிமலை காட்சி முனைக்கு நேற்று வந்திருந்த ஆசிஃப், ஜாஃபீர், சினான் ஆகிய மூவரும் வனத்துறையால் தடை செய்யப்பட்ட பகுதிக்குள் யாருக்கும் தெரியாமல் அத்துமீறி நுழைந்துள்ளனர். பாறையில் இருந்த மலைத்தேனீ கூட்டின் மீது கல்லெறிந்து கூட்டைச் சிதைத்திருக்கிறார்கள். ஆக்ரோஷமடைந்த தேனீக்கள் மூவரையும் கொட்டியுள்ளது‌. உடல் முழுக்க கொட்டுப்பட்ட ஜாஃபீர் அதே இடத்திலேயே துடிதுடித்து உயிரிழந்துள்ளார்.

ஊசிமலை காட்சி முனை

கொட்டு காயங்களுடன் உயிர் தப்பிய மற்ற இருவரும் மருத்துவமனையில் சிகிச்சை பெற்று வருகின்றனர். மீட்க சென்றவர்களையும் தேனீக்கள் விரட்டியதால் கவச உடைகளை அணிந்தும் தீப்பந்தங்களை கையில் எடுத்துச் சென்றும் மீட்க வேண்டிய நிலை ஏற்பட்டது. நீலகிரி வரக்கூடிய சுற்றுலா பயணிகள் இது போன்ற அத்துமீறல்களில் ஈடுபட வேண்டாம் என வனத்துறை மூலம் விழிப்புணர்வு ஏற்படுத்தி வருகிறோம் " என்றனர்.

Malaysia Fire Accident : மலேசியாவில் எரிவாயு குழாய் வெடித்து பெரும் தீ விபத்து | Shocking Video

​மலேசியாவின் தலைநகர் கோலாலம்பூர் புத்ரா ஹைட்ஸ் பகுதியில் இன்று காலை பெரும் தீ விபத்து ஏற்பட்டுள்ளது. தேசிய எண்ணெய் நிறுவனமான பெட்ரோனாஸ் நிறுவனத்தின் எரிவாயு குழாயில் ஏற்பட்ட கசிவு காரணமாக இந்த தீ விபத... மேலும் பார்க்க

ஒடிஸா அருகே தடம் புரண்டு விபத்துக்குள்ளான எக்ஸ்பிரஸ் ரயில்.. மீட்புப் பணிகள் துரிதம் - என்ன நடந்தது?

இன்று பெங்களூருவில் இருந்து சென்ற ரயில் ஒன்று ஒடிசா மாநிலம் அருகே தடம் புரண்டு விபத்து ஏற்பட்டுள்ளது. இது பெங்களூருவில் இருந்து குவாஹாத்தி செல்லும் காமக்யா விரைவு ரயில் ஆகும். விபத்திற்கு காரணம் என்ன?... மேலும் பார்க்க

ஐஸ்வர்யா ராய் காரில் மோதிய பஸ்.. அமிதாப்பச்சன் வீட்டுக்கு அருகே விபத்து; என்ன நடந்தது?

பாலிவுட் நடிகை ஐஸ்வர்யா ராய் இப்போது படங்களில் நடிக்காமல் மகளை வளர்ப்பதில் கவனம் செலுத்தி வருகிறார். கடைசியாக பொன்னியின் செல்வன் படத்தில் நடித்தார். அதன் பிறகு எந்த படத்திலும் நடிக்க ஒப்புக்கொள்ளவில்ல... மேலும் பார்க்க

Coonoor: குன்னூர் நகராட்சி மார்க்கெட்டில் தீ விபத்து; நள்ளிரவில் கடைகள் எரிந்து சேதம்

நீலகிரி மாவட்டம் குன்னூர் நகரின் மையப்பகுதியில் நகராட்சி நிர்வாகத்திற்குச் சொந்தமான ஒருங்கிணைந்த சந்தை செயல்பட்டு வருகிறது. நூற்றாண்டு பழைமை வாய்ந்த இந்த சந்தையில் உள்ள கடைகளை வணிகர்கள் மாத வாடகை செலு... மேலும் பார்க்க

பெங்களூருவில் 100 அடி தேர் சரிந்து விழுந்து இருவர் பலி - விபத்துக்கு காரணம் என்ன?

பெங்களூரு ஆனேகலில் உள்ள மதுரம்மா கோவிலில் நேற்று தேர் திருவிழா நடந்துள்ளது. இந்தத் தேரின் உயரம் கிட்டதட்ட 100 அடி ஆகும். நேற்று மாலை சுமார் 6 மணியளவில், இந்த தேர்கள் வீதிகளில் வலம் வந்துகொண்டிருந்தப் ... மேலும் பார்க்க

Ooty: ``குதறிய நிலையில் பெண் சடலம்..'' - புலியா? சிறுத்தையா? குழப்பத்தில் வனத்துறை! என்ன நடந்தது?

நீலகிரி மாவட்டம் ஊட்டி அருகில் தொட்டபெட்டா மலைச்சரிவில் அமைந்திருக்கிறது காலி பெட்டா பகுதி. தேயிலை தோட்டங்கள் நிறைந்த இந்த பகுதியில் நேற்று முன்தினம் காலை தேயிலை பறிக்கச் சென்ற அஞ்சலை என்கிற 50 வயது ப... மேலும் பார்க்க