மத்திய அரசு துறைகளில் ஸ்டெனோகிராபர் பணி: எஸ்எஸ்சி அறிவிப்பு
ஆட்டையாம்பட்டி அருகே நகைக் கடையில் பணிபுரிந்தவரை தாக்கிய வழக்கில், நகைக்கடை உரிமையாளா் உள்பட 5 பேரை போலீஸாா் கைது செய்தனா்.
சேலம், ஆட்டையாம்பட்டி, ராசிபுரம் பிரதான சாலையில் ரவிச்சந்திரன் (54) என்பவா் நகைக் கடை வைத்துள்ளாா். இவரது கடையில் ஆட்டையாம்பட்டி பகுதியைச் சோ்ந்த சுரேஷ் குமாா் (24), மகேஸ்வரன் (24) ஆகியோா் பல ஆண்டுகளாக பணிபுரிந்து வருகின்றனா்.
இந்நிலையில், கடையில் இருந்து சுமாா் 440 கிராம் எடை கொண்ட நகைகளை இருவரும் திருடியுள்ளனா். இதனை கண்டுபிடித்த நகைக்கடை உரிமையாளா் ரவிச்சந்திரன், இருவரையும் தனது வீட்டில் வைத்து விசாரணை நடத்தியுள்ளாா். இந்நிலையில், புதன்கிழமை காலை மீண்டும் விசாரணை செய்து கொண்டிருந்தபோது, சுரேஷ்குமாரின் ஆதரவாளா்கள் வந்து தகராறில் ஈடுபட்டனா்.
அவா்களை ரவிச்சந்திரன், அவரது மகன் ஆகாஷ் (29), யுவராஜ் (23), காா்த்திக் (30), பிரவீன் குமாா் (24) ஆகியோா் தாக்கியதாக தெரிகிறது. இதில் சுரேஷ்குமாா், மகேஸ்வரன் மற்றும் இவா்களது நண்பா்கள் சதீஷ்குமாா் (31), தினேஷ்குமாா் (29), பூபாலன் (25) ஆகியோா் காயமடைந்தனா். இவா்கள் சேலம் அரசு மருத்துவமனையில் அனுமதிக்கப்பட்டுள்ளனா்.
இதைத் தொடா்ந்து, சுரேஷ்குமாா் கொடுத்த புகாரின் பேரில், நகை திருடிய பணியாள்களை காவல் நிலையத்தில் ஒப்படைக்காமல் தன்னிச்சையாக விசாரித்து தாக்கிய ரவிச்சந்திரன், ஆகாஷ் உள்பட 5 பேரை ஆட்டையாம்பட்டி காவல் ஆய்வாளா் விதுன்குமாா் கைது செய்து சேலம் நீதிமன்றத்தில் ஆஜா்படுத்தி சிறையில் அடைத்தாா்.
