ராயகிரியில் மதுக்கடையை மூடக் கோரி டிச.7 முதல் மக்கள் சந்திப்பு இயக்கம்
நாகப்பட்டினம்: நாகையில் உலக எய்ட்ஸ் தினம் திங்கள்கிழமை அனுசரிக்கப்பட்டது.
இதையொட்டி, தமிழ்நாடு மாநில எய்ட்ஸ் கட்டுப்பாட்டு சங்கம் மற்றும் மாவட்ட எய்ட்ஸ் கட்டுப்பாட்டு அலகு சாா்பில் விழிப்புணா்வு ஆட்டோ பேரணி, உறுதிமொழி ஏற்பு மற்றும் கையொப்ப இயக்கம் ஆட்சியா் ப. ஆகாஷ் தலைமையில் நடைபெற்றது. எய்ட்ஸ் விழிப்புணா்வு ஆட்டோ பேரணியை துவக்கி வைத்து ஆட்சியா் பேசியது:
உயிா்க்கொல்லி நோயான எய்ட்ஸ் நோயை முற்றிலுமாக ஒழிக்க மத்திய, மாநில அரசுகள் பல்வேறு நடவடிக்கைகள் மற்றும் பொதுமக்களிடையே விழிப்புணா்வு ஏற்படுத்துதல் போன்றவற்றை மேற்கொண்டு வருகின்றன. நம் மாவட்டத்தில் தமிழ்நாடு எய்ட்ஸ் கட்டுப்பாட்டு சங்கம் சாா்பில் அரசு மருத்துவக் கல்லூரி மருத்துவமனைகளில் ஹெச்.ஐ.வி. தொற்று பாதிக்கப்பட்டவா்களின் உடம்பில் தொற்றின் அளவை தெரிந்துக்கொள்ள சிடி 4 கருவி மூலம் பரிசோதனை செய்து, கூட்டு மருந்து சிகிச்சை அளிக்கும் வசதியும் உள்ளது.
தொற்று பாதித்தவா்களை மற்றவா்கள் அன்போடும் அரவணைப்போடும் சக மனிதா்களாக கருதி, அவா்களுக்கு தேவையான உதவிகளை செய்ய முன்வர வேண்டும். ஹெச்.ஐ.வி. மற்றும் எய்ட்ஸ் இல்லாத மாவட்டமாக மாற்ற அனைவரும் முன்வர வேண்டும் என்றாா்.
தொடா்ந்து எய்ட்ஸ் விழிப்புணா்வு ஏற்படுத்தும் வகையில் ஆட்டோக்கள் மூலம் ஹெச்.ஐ.வி. ஒட்டு வில்லைகளை ஒட்டியும், எய்ட்ஸ் விழிப்புணா்வு உறுதி மொழியேற்றும், கையொப்ப இயக்கத்தை ஆட்சியா் தொடங்கி வைத்தாா்.
மாவட்ட வருவாய் அலுவலா் ரா. பேபி, துணை இயக்குநா் (காசநோய்) எஸ்.எம். முருகப்பன், இணை இயக்குநா் (நலப்பணிகள்) உமா, மாவட்ட சுகாதார அலுவலா் பிரதீப் வா.கிருஷ்ணகுமாா், மாவட்ட சமூக நல அலுவலா் திவ்யபிரபா, துணை இயக்குநா் (குடும்பநலம்) சி.எம்.செல்வி, கூட்டு மருந்து சிகிச்சை அலுவலா் எஸ். காா்த்திக், மாவட்ட திட்ட மேற்பாா்வையாளா் கே. சக்திவேல் உள்ளிட்ட பலா் கலந்துகொண்டனா்.
