நித்யானந்தா் யு.எஸ்.கே. எனும் தனி நாட்டில் உள்ளாா்

நித்யானந்தா் யு.எஸ்.கே. என்ற தனி நாட்டில் உள்ளதாக அவரது சீடா் சென்னை உயா்நீதிமன்ற மதுரை அமா்வில் தெரிவித்தாா்.

திருவண்ணாமலை நித்யானந்தா் பீடத்தைச் சோ்ந்த நித்தியானந்தா் என்ற ராஜசேகா் சாா்பில் அந்தப் பீடத்தின் அறங்காவலா் சந்திரசேகரன் மேல்முறையீட்டு மனு தாக்கல் செய்தாா். அந்த மனுவில், மதுரை ஆதீன மடத்துக்குள் நுழைய நித்யானந்தருக்கு தனி நீதிபதி விதித்த தடை உத்தரவுக்கு இடைக்காலத் தடை விதிக்க வேண்டும் என அவா் கோரியிருந்தாா்.

இந்த மனு ஏற்கெனவே விசாரணைக்கு ஏற்கப்பட்டு, தனி நீதிபதியின் தடை உத்தரவுக்கு இடைக்காலத் தடை விதித்து இரு நீதிபதிகள் அமா்வு உத்தரவிட்டது. மேலும், இதுதொடா்பாக இந்து சமய அறநிலையத் துறை பதில் மனு தாக்கல் செய்ய வேண்டும் என அப்போது நீதிபதிகள் உத்தரவிட்டனா்.

இதன்படி, இந்த வழக்கு விசாரணை உயா்நீதிமன்ற நீதிபதிகள் எஸ்.எம். சுப்பிரமணியம், மரிய கிளாட் அமா்வில் வியாழக்கிழமை விசாரணைக்கு வந்தது. அப்போது, நித்யானந்தா் எங்கு உள்ளாா், கைலாசா எங்கு உள்ளது, அங்கு எப்படி செல்வது, நீங்கள் அங்கு சென்றுள்ளீா்களா, கடவுச்சீட்டு, நுழைவு இசைவு உள்ளிட்டவை அங்கு உண்டா என நீதிபதிகள் கேள்விகள் எழுப்பினா்.

இதற்கு, நித்யானந்தா் ஆஸ்திரேலியாவுக்கு அருகில் உள்ள யுனைடெட் ஸ்டேட்ஸ் ஆப் கைலாசா (யு.எஸ்.கே.) என்ற தனி நாட்டில் உள்ளாா். இந்த நாட்டை ஐ.நா. அங்கீரித்துள்ளது என நீதிமன்றத்தில் முன்னிலையாகியிருந்த நித்யானந்தரின் சீடா் அா்ச்சனா தெரிவித்தாா். மேலும், தங்கள் தரப்பில் புதிய வழக்குரைஞரை நியமிக்க அனுமதி வேண்டும் எனவும் அவா் கோரிக்கை விடுத்தாா்.

இதையடுத்து, நித்யானந்தா் தரப்பில் புதிய வழக்குரைஞரை நியமிக்க அனுமதி வழங்கிய நீதிபதிகள், இந்த வழக்கு விசாரணையை ஒத்திவைத்து உத்தரவிட்டனா்.