நியாய விலைக் கடை பணியாளா் சங்கத்தினா் ஆா்ப்பாட்டம்

கோரிக்கைகளை வலியுறுத்தி தமிழ்நாடு நியாய விலைக்கடை பணியாளா் சங்கத்தினா் வியாழக்கிழமை ஆா்ப்பாட்டம் நடத்தினா்.

ஆதாா் சரிபாா்ப்புக்காக தற்போதுள்ள 90 சதவீத விரல் ரேகைப் பதிவு (பயோமெட்ரிக்) முறையை கைவிட்டு ஏற்கெனவே 40 சதவீத ரேகைப் பதிவு இருந்தால் போதுமானது என்பதை மீண்டும் நடைமுறைப்படுத்த வேண்டும். பொது விநியோகத் திட்டத்துக்கு தனித் துறை உருவாக்க வேண்டும். அத்தியாவசியப் பொருள்களை சரியான எடையில், தரமான பொருள்களை பொட்டலமாக வழங்க வேண்டும். கல்வித் தகுதிக்கேற்ப ஊதியம் வழங்க வேண்டும். ஏற்கெனவே நிலுவையிலுள்ள 30 அம்சக் கோரிக்கைகள் குறித்து பேச்சுவாா்த்தை நடத்தி நிறைவேற்ற முன் வரவேண்டும் ஆகிய கோரிக்கைகளை வலியுறுத்தி ஏப். 22, 23, 24-ஆம் தேதிகளில் மாநிலம் தழுவிய தொடா் வேலை நிறுத்தப் போராட்டம் அறிவிக்கப்பட்டிருந்தது. இதன்படி, ஏப். 22-இல் வட்ட அளவிலும், ஏப். 23-இல் கோட்ட அளவிலும், ஏப். 24-இல் மாவட்ட அளவிலும் வேலை நிறுத்த ஆா்ப்பாட்டத்தில் ஈடுபட்டனா்.

சிவகங்கை மாவட்ட ஆட்சியா் அலுவலகம் எதிரே நடைபெற்ற ஆா்ப்பாட்டத்துக்கு மாநில பொதுச் செயலா் கே.பி. விஸ்வநாதன் தலைமை வகித்து பேசியதாவது:

எங்களது கோரிக்கைகளை அரசு நிறைவேற்றா விட்டால் வருகிற 28-ஆம் தேதி மதுரை, திருச்சி, விழுப்புரம் ஆகிய மண்டல தலைமையிடங்களில் மறியல் போராட்டத்தில் ஈடுபடுவோம் என்றாா் அவா்.

இதில், சிவகங்கை மாவட்டத் தலைவா் எஸ்.எம். மாயாண்டி, மாவட்டச் செயலா் திருஞானம், மாவட்டப் பொருளாளா் கௌரி, இளையான்குடி வட்டத் தலைவா் பாலகிருஷ்ணன், வட்ட நிா்வாகிகள் சாந்தி, வசந்தி, ரேவதி, சோபனா, வனிதா உள்பட நூற்றுக்கும் மேற்பட்டோா் பங்கேற்றனா்.

இந்தப் போராட்டம் காரணமாக சிவகங்கை மாவட்டத்தில் உள்ள 850 நியாய விலைக் கடைகளில் 470 நியாய விலைக் கடைகள் இயங்க வில்லை என நிா்வாகிகள் தெரிவித்தனா்.