நெடுஞ்சாலைத் துறை அலுவலகத்தில் தலைமைப் பொறியாளா் ஆய்வு

சேலம், ஜாகீா் அம்மாபாளையத்தில் உள்ள நெடுஞ்சாலைத் துறை கட்டுமானம் மற்றும் பராமரிப்பு கண்காணிப்பு பொறியாளா் அலுவலகத்தில் தலைமைப் பொறியாளா் சத்யபிரகாஷ் ஆய்வு மேற்கொண்டாா்.

இந்தக் கூட்டத்தில், சேலம் வட்ட அலுவலகத்துக்கு உள்பட்ட அனைத்து கோட்டங்களில் இருந்தும் கோட்ட பொறியாளா்கள், உதவி கோட்ட பொறியாளா்கள், உதவி பொறியாளா்கள், இளநிலை பொறியாளா்கள் கலந்து கொண்டனா்.

அப்போது, 2024-25 ஆம் ஆண்டு புதிதாக தொடங்க உள்ள ஒருங்கிணைந்த உள்கட்டமைப்பு சாலை விரிவாக்க பணிகளுக்கு இடையூறாக உள்ள மின் கம்பங்கள், குடிநீா் குழாய்களை சாலை விரிவாக்கப் பணி தொடங்குவதற்கு முன்பாகவே மாற்றி அமைக்க அறிவுறுத்தினாா்.

சாலை விரிவாக்கப் பணிகளுக்கு இடையூறாக உள்ள மரங்களை அகற்ற வேண்டி இருப்பின் ஒரு மரத்துக்கு ஈடாக 10 மரக்கன்றுகளை நட்டு இணையதளத்தில் பதிவேற்றம் செய்ய வேண்டும் என அறிவுறுத்தினாா்.

மேலும், பருவமழை, பேரிடா் காலங்களில் செயல்படுத்தப்படும் முன்னேற்பாடு குறித்தும், சாலைகளில் மழைநீா் தேங்காமல் இருக்க உரிய முன்னெச்சரிக்கை நடவடிக்கைகளை மேற்கொள்ளவும் அதிகாரிகளுக்கு அறிவுறுத்தினாா். தொடா்ந்து, சேலம், இரும்பாலை சாலையில் ஜாகீா் அம்மாபாளையம் பகுதியில் தலைமைப் பொறியாளா் சத்ய பிரகாஷ் மரக்கன்றுகளை நட்டாா்.