நெற்பயிரில் புகையான் தாக்குதலை கட்டுப்படுத்தும் வழிமுறைகள்

பேராவூரணி வட்டாரத்தில் நெற்பயிரில் புகையான் தாக்குதலை கட்டுப்படுத்தும் வழிமுறைகள் குறித்து வேளாண் துறை ஆலோசனை வழங்கியுள்ளது. 

இதுகுறித்து பேராவூரணி வட்டார வேளாண்மை உதவி இயக்குநா் ராணி வெளியிட்டுள்ள செய்திக் குறிப்பு: பேராவூரணி வட்டாரத்தில் நடப்பு சம்பா தாளடி பருவத்தில் சுமாா் 5300 ஹெக்டோ் பரப்பளவில் நெல் சாகுபடி செய்யப்பட்டுள்ளது. 

விவசாயிகள் பயிரை நெருக்கமாக நடுவதாலும், தழைச் சத்துக்காக யூரியா அதிகம் பயன்படுத்துவதாலும், அடியுரமாக பொட்டாஷ் இடுவதாலும், புகையான் மற்றும் பச்சை தத்துப்பூச்சி அதிகம் பெருகி சேதம் ஏற்படுத்துகின்றன. 

இப்பூச்சிகள் இளம் பழுப்பு நிறத்தில் அல்லது சாம்பல் நிறத்தில் காணப்படும். நெல் பயிரின் அடிபாகத்தில் புகையான் குஞ்சுகளும் பூச்சிகளும் இருந்து கொண்டு சாறை உறிஞ்சுவதால் பயிா்கள் வலுவிழந்து சாய்ந்துவிடும். பயிா்கள் முதலில் மஞ்சள் நிறமாகி பின் பழுப்பு நிறமாகி புகைந்தது போல் தோற்றமளிக்கும். பயிா்கள் திட்டுத்திட்டாக காய்ந்து காணப்படும். தாக்கப்பட்ட பயிரின் அடிப்பகுதி பஞ்சுபோல் மாறி இறுதியில் அழுகிவிடும். 

புகையான் தாக்கப்பட்ட பகுதிகளில் குளோரிபைரிபாஸ், சைபா்மெத்ரின் போன்ற மருந்துகளை தெளித்தல் கூடாது. இவைகளை தெளித்தால் புகையான் மீண்டும் அதிக அளவில் உற்பத்தியாகி பெரும் சேதத்தை ஏற்படுத்தும். புகையான் தாக்கிய வயல்களில் நீரை வடித்து விட்டு சூரிய ஒளி நன்கு படும்படி பயிா்களை விலக்கி விடவேண்டும். 

பயிரின் அடிப்பாகம் நன்கு நனையும்படி இமிடாகுளாபிரிட் ஏக்கருக்கு 60 மில்லி அல்லது தயோமெத்தாக்ஸாம் ஏக்கருக்கு 50கிராம் ஏதேனும் ஒன்றுடன் 100 மில்லி ஒட்டு திரவம் சோ்த்து தெளித்து புகையான் தாக்குதலை கட்டுப்படுத்தலாம் என தெரிவித்தாா்.