பண்ட் கேப்டன், சாய் சுதர்சன் துணைக் கேப்டன்; சர்பராஸ் எங்கே? BCCI வெளியிட்ட இந்திய `ஏ' அணி!

இந்திய கிரிக்கெட் அணி 3 ஒருநாள் மற்றும் 5 டி20 போட்டிகள் கொண்ட தொடரில் ஆஸ்திரேலியாவுக்குச் சென்றுள்ளது. அக்டோபர் 19-ம் தேதி நடைபெற்ற முதல் ஒருநாள் போட்டியில் இந்தியா தோற்றது.

இரண்டாவது ஒருநாள் போட்டி நாளை (அக்டோபர் 23) நடைபெறவிருக்கிறது. இந்தத் தொடர் முடிந்ததும், சொந்த மண்ணில் தென்னாப்பிரிக்காவுக்கு எதிராக 2 டெஸ்ட், 3 ஒருநாள் மற்றும் டி20 போட்டிகள் கொண்ட தொடரில் ஆடவிருக்கிறது.

அதற்கு முன்பாக, தென்னாப்பிரிக்காவுக்கு எதிராக 2 நான்கு நாள் போட்டிகளில் இந்தியா ஏ' அணி விளையாடவிருக்கிறது. இந்த நிலையில், அந்த 2 போட்டிகளுக்கான இந்தியா ஏ' அணியை பிசிசிஐ அறிவித்துள்ளது.

முதல் போட்டிக்கான அணி:
ரிஷப் பண்ட் (கேப்டன்), சாய் சுதர்சன் (துணைக் கேப்டன்), ஆயுஷ் மத்ரே, என். ஜக்தீசன், தேவ்தத் படிக்கல், ரஜத் படிதார், ஹர்ஷ் துபே, தனுஷ் கோட்டியன், மானவ் சுதர், கலீல் அகமது, குர்னூர் ப்ரார், அன்ஷுல் காம்போஜ், யாஷ் தாக்கூர், ஆயுஷ் பதோனி, சரண்ஷ் ஜெயின்.

இரண்டாவது போட்டிக்கான அணி:
ரிஷப் பண்ட் (கேப்டன்), சாய் சுதர்சன் (துணைக் கேப்டன்), கே.எல். ராகுல், துருவ் ஜூரல், தேவ்தத் படிக்கல், ருதுராஜ் கெய்க்வாட், ஹர்ஷ் துபே, தனுஷ் கோட்டியன், மானவ் சுதர், கலீல் அகமது, குர்னூர் ப்ரார், அபிமன்யு ஈஸ்வரன், பிரசித் கிருஷ்ணா, முகமது சிராஜ், ஆகாஷ் தீப்.

இங்கிலாந்துக்கெதிரான டெஸ்ட் தொடரில் காயமடைந்ததால் ஆசிய கோப்பை மற்றும் ஆஸ்திரேலியா தொடரில் இந்திய அணியில் இடம்பெறாத ரிஷப் பண்ட், இந்த இரண்டு அணிகளிலும் கேப்டனாக நியமிக்கப்பட்டதால், தென்னாப்பிரிக்காவுக்கெதிரான தொடரில் அவர் கம்பேக் கொடுப்பார் என்பது உறுதியாகியுள்ளது.

இது ஒரு பாசிட்டிவ் சம்பவமாக இருந்தாலும், பார்டர் கவாஸ்கர் மற்றும் இங்கிலாந்துக்கெதிரான டெஸ்ட் தொடரில் பென்சில் அமர்வில் வைத்திரப்பட்டு, வெஸ்ட் இன்டீஸுக்கெதிரான டெஸ்ட் தொடரில் கழற்றப்பட்ட அபிமன்யு ஈஸ்வரன், இதில் ஒரு போட்டியில் மட்டுமே சேர்க்கப்பட்டுள்ளார்.

இதனால், தென்னாப்பிரிக்காவுக்கெதிரான தொடரில் அவரை சேர்ப்பார்களா, வழக்கம்போல் பெயருக்கு எடுத்து பென்சில் அமர்வில் வைப்பார்களா, அல்லது முழுமையாகக் கழற்றிவிடுவார்களா என்பது பற்றிய சந்தேகம் வலுவாக எழுந்திருக்கிறது.

ஆனால், அவருக்குப் பிறகு இங்கிலாந்துக்கெதிரான தொடரில் சேர்க்கப்பட்டு, அதே தொடரில் ஆடவைக்கப்பட்ட சாய் சுதர்சன் இந்த அணியில் துணைக் கேப்டனாக நியமிக்கப்பட்டிருப்பது, தென்னாப்பிரிக்க டெஸ்ட் தொடரில் இடம்பெறுவார் என்பதைக் காட்டுகிறது.

அதேபோல், பார்டர் கவாஸ்கர் தொடரில் பென்சில் அமர்வில் வைக்கப்பட்டு, இங்கிலாந்து மற்றும் வெஸ்ட் இண்டீசுக்கெதிரான டெஸ்ட் தொடர்களில் கழற்றப்பட்ட சர்பராஸ் கான் இந்த அணியில் சேர்க்கப்படாததால், அவரையும் தொடர்ந்து புறக்கணிக்கிறார்களா என்ற கேள்வி எழுகிறது. அதேபோல், முகமது ஷமியின் பெயரும் இப்பட்டியலில் இல்லை.

56 முதல் தர போட்டிகளில் விளையாடியிருக்கும் சர்பராஸ் கான் 65 ஆவரேஜில், 16 சதங்களுடன் 4759 ரன்கள் அடித்திருக்கிறார் என்பது குறிப்பிடத்தக்கது.

தற்போது வெளியிடப்பட்டிருக்கும் இந்திய `ஏ' அணியைப் பற்றி உங்கள் கருத்துக்களை கமெண்ட்டில் பதிவிடுங்கள்.