பரமத்தி வேலூா் பகுதியில் விளம்பரத் தட்டிகள் அமைக்க காவல் துறையினா் கட்டுப்பாடு

பரமத்தி வேலூா் பகுதியில் விளம்பரத் தட்டிகள் (பிளக்ஸ் பிரிண்டிங்) அச்சிடும் கடை உரிமையாளா்களுக்கு வேலூா் போலீஸாா் அறிவுரை வழங்கினா்.

வேலூா் காவல் ஆய்வாளா் ராமகிருஷ்ணன் தலைமையில் வெள்ளிக்கிழமை நடைபெற்ற கூட்டத்தில், பரமத்தி வேலூா் பகுதியைச் சோ்ந்த விளம்பரத் தட்டிகள் அச்சிடும் உரிமையாளா்கள் கலந்துகொண்டனா். விளம்பரத் தட்டிகள் அமைக்கும்போது முறையாக பேரூராட்சி மற்றும் காவல் நிலையத்தில் முன்அனுமதி பெற வேண்டும். விளம்பரத் தட்டிகள் எத்தனை நாள் வைக்கப்படுகிறது என்பதை குறிப்பிட வேண்டும். விளம்பரத் தட்டிகளை குறிப்பிட்ட தேதிக்குள் அகற்ற வேண்டும். குறிப்பிட்ட தேதிக்குள் அகற்றவில்லையெனில் அவா்கள் மீது உரிய நடவடிக்கை எடுக்கப்படும்.

மேலும் விளம்பரத் தட்டிகளில் குறிப்பிட்ட எந்த ஒரு சமூகத்தை சாா்ந்த வாசகங்கள், அந்த சமூகத்தைச் சாா்ந்தவா்களை விமா்சித்து விளம்பரம் செய்யக்கூடாது என காவல் ஆய்வாளா் ராமகிருஷ்ணன் அறிவுரை வழங்கினாா். இக் கூட்டத்தில் உதவி ஆய்வாளா் சீனிவாசன், காவலா்கள் மற்றும் விளம்பரத் தட்டிகள் அச்சிடும் பிளக்ஸ் பிரிண்டிங் உரிமையாளா்கள் கலந்துகொண்டனா்.