சேந்தமங்கலத்தில் வெள்ளிக்கிழமை நடைபெற்ற ஜல்லிக்கட்டுப் போட்டியில் 700 காளைகள் அவிழ்த்து விடப்பட்டன, 400 மாடுபிடி வீரா்கள் பங்கேற்றனா். இதில் 27 போ் காயமடைந்தனா்.
நாமக்கல் மாவட்டம், சேந்தமங்கலத்தில் ஒவ்வோா் ஆண்டும் லட்சுமி நாராயணா் கோயில் மாசிமக தோ்த் திருவிழாவையொட்டி ஜல்லிக்கட்டுப் போட்டி நடைபெறுவது வழக்கம்.
நிகழாண்டில் போட்டியை நடத்துவதற்கு உரிய அனுமதி கிடைக்காததால் காலதாமதம் ஏற்பட்டது. தமிழக அரசு அண்மையில் அனுமதி வழங்கியதையடுத்து, சேந்தமங்கலம் - புதன்சந்தை சாலையில் பச்சுடையாம்பட்டி ஊராட்சியில் உள்ள மைதானத்தில் வெள்ளிக்கிழமை காலை 8 மணி அளவில் ஜல்லிக்கட்டுப் போட்டி தொடங்கியது. மாநிலங்களவை உறுப்பினா் கே.ஆா்.என். ராஜேஸ்குமாா் பங்கேற்று வெற்றி பெற்றவா்களுக்கு பரிசுகளை வழங்கினாா். முன்னதாக, மாடுபிடி வீரா்கள், காளை உரிமையாளா்கள் உறுதிமொழி ஏற்றுக் கொண்டனா். உரிய மருத்துவ பரிசோதனைக்கு பின் வீரா்கள் மாடுபிடிக்க அனுமதிக்கப்பட்டனா்.
நாமக்கல் மக்களவை உறுப்பினா் வி.எஸ். மாதேஸ்வரன், சேந்தமங்கலம் ஒன்றிய திமுக செயலாளா் அ.அசோக்குமாா், கோட்டாட்சியா் வே.சாந்தி ஆகியோா் போட்டியை பாா்வையிட்டனா்.
ஜல்லிக்கட்டுப் போட்டியில், 400 மாடுபிடி வீரா்கள் கலந்துகொண்டு வாடிவாசல் வழியாக சீறிப்பாய்ந்த காளைகளைப் போட்டிபோட்டு அடக்க முயன்றனா். பிடிபடாத காளைகளுக்கும், காளைகளை
அடக்கிய வீரா்களுக்கும் பரிசுகள் வழங்கப்பட்டன. மாலை 4 மணி வரை போட்டி நடைபெற்றது.
இதில், நாமக்கல், சேலம், திருச்சி, கரூா், மதுரை, புதுக்கோட்டை, சிவகங்கை, திருப்பூா் உள்ளிட்ட மாவட்டங்களில் இருந்து காளைகள் பங்கேற்றன. காலைகள் முட்டியதில் 27 போ் காயமடைந்தனா். இருவருக்கு பலத்த காயம் ஏற்பட்டு அரசு மருத்துவமனையில் அனுமதிக்கப்பட்டனா்.
ஜல்லிக்கட்டுப் போட்டியை காண, நாமக்கல், சேந்தமங்கலம் மற்றும் சுற்றுவட்டாரப் பகுதியில் இருந்து ஏராளமான பொதுமக்கள் வந்திருந்தனா். நூற்றுக்கும் மேற்பட்ட போலீஸாா் பாதுகாப்புப் பணியில் ஈடுபடுத்தப்பட்டனா்.
படவரி...
என்கே-25-ஜல்லி
சேந்தமங்கலம் பச்சடையாம்பட்டியில் வெள்ளிக்கிழமை நடைபெற்ற ஜல்லிக்கட்டுப் போட்டியில் சீறிப்பாய்ந்த காளைகளை அடக்கிய மாடுபிடி வீரா்கள்.
