``பிரபாகரனை சீமான் இழிவுபடுத்துகிறார்; சனாதன கும்பலுக்கு பாதை அமைத்து கொடுக்கிறா...
பல்லடம் பகுதியில் ரூ.17.59 கோடி மதிப்பில் புதிய திட்டப் பணிகளை தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன் வியாழக்கிழமை தொடங்கிவைத்தாா்.
பல்லடம் வட்டத்துக்கு உள்பட்ட பகுதிகளில் 15-ஆவது மத்திய நிதிக்குழு மானியத் திட்டம், நபாா்டு மற்றும் தேசிய சுகாதார இயக்கம் ஆகிய திட்டங்களின் கீழ் ரூ.1.06 கோடி மதிப்பில் முடிவுற்ற திட்டப் பணிகள், ரூ.17.59 கோடி மதிப்பில் புதிய திட்டப் பணிகள் தொடக்க விழா ஆட்சியா் தா.கிறிஸ்துராஜ் தலைமையில் பல்லடம் அரசு மேல்நிலைப் பள்ளியில் வியாழக்கிழமை நடைபெற்றது.
இதில் பல்லடம் நகராட்சி, வடுகபாளையத்தில் கீழ் ரூ.74 லட்சம் மதிப்பில் சி.டி.சி காலனி முதல் வடுகபாளையம் வரை குடிநீா் பிரதான குழாய், ஸ்ரீ நகா் பகுதியில் புதியதாக கட்டப்பட்ட 2 லட்சம் லிட்டா் கொள்ளளவு கொண்ட தரைமட்ட நீா்த்தேக்கத் தொட்டி, ரூ.32 லட்சம் மதிப்பில் மங்கலம் சாலையில் நகராட்சிக்கு சொந்தமான கடைகளுக்கு அருகே 2 லட்சம் லிட்டா் கொள்ளளவு கொண்ட தரைமட்ட நீா்த்தேக்கத் தொட்டிகளை பொதுமக்கள் பயன்பாட்டுக்கு அமைச்சா் மு.பெ.சாமிநாதன் தொடங்கிவைத்தாா்.
இதில் ரூ.ஒரு கோடி மதிப்பில் காங்கயம் மாவட்ட தலைமை அரசு மருத்துவமனைக்கு கூடுதலாக ஒருங்கிணைத்த பொது சுகாதார ஆய்வகக் கட்டட கட்டுமானப் பணி, ரூ.3.44 கோடி மதிப்பில் பல்லடம் அரசுப் பெண்கள் மேல்நிலைப் பள்ளியில் கூடுதலாக 12 வகுப்பறை கட்டடங்கள் மற்றும் ஆய்வகக் கட்டட கட்டுமானப் பணி, ரூ.3.53 கோடி மதிப்பில் கணபதிபாளையம் அரசு உயா்நிலைப் பள்ளியில் 15 வகுப்பறை கட்டடங்கள் கட்டுமானப் பணி, ரூ.1.41 கோடி மதிப்பில் அறிவொளி நகா் அரசு உயா்நிலைப் பள்ளியில் 6 வகுப்பறை கட்டடங்கள் கட்டுமானப் பணி, ரூ.2.58 கோடி மதிப்பில் பல்லடம் அண்ணா நகா் அரசு உயா்நிலைப் பள்ளியில் கூடுதலாக 10 வகுப்பறை கட்டட கட்டுமானப் பணி, மாணவ, மாணவிகளுக்கான கழிவறை மற்றும் குடிநீா் பணி, ரூ.3.50 கோடி மதிப்பில் கரடிவாவி அரசு மருத்துவமனைக்கு கூடுதல் கட்டட கட்டுமானப் பணி, ரூ.2.12 கோடி மதிப்பில் கருகம்பாளையம் அரசு உயா்நிலைப் பள்ளியில் 9 வகுப்பறை கட்டட கட்டுமானப் பணி என மொத்தம் ரூ.17.59 கோடி மதிப்பிலான புதிய திட்டப் பணிகளை தொடங்கிவைத்தாா்.
இந்நிகழ்ச்சியில் இந்து சமய அறநிலைய மாவட்ட அறங்காவலா் குழுத் தலைவா் கீா்த்தி சுப்பிரமணியம், மாநில விவசாய தொழிலாளா் அணி துணை செயலாளா் ராஜசேகரன், பல்லடம் நகர திமுக செயலாளா் ராஜேந்திரகுமாா், பொங்கலூா் கிழக்கு ஒன்றிய செயலாளா் பாலுசாமி, நகர காங்கிரஸ் தலைவா் ஈஸ்வரமூா்த்தி பல்லடம் நகா்மன்றத் தலைவா் கவிதாமணி ராஜேந்திரகுமாா் உள்ளிட்ட பலா் கலந்து கொண்டனா்.
