`விஜய் பரபரப்பு ஏற்படுத்த நினைக்கிறாரா?' - விமான நிலையம் விவகாரத்தில் வானதி சீனி...
திருவாடானை அருகே தனியாா் பள்ளி வாகனமும், சுற்றுலா வாகனமும் நேருக்கு நோ் மோதிக் கொண்டதில் சுற்றுலா வாகனத்தில் பயணம் செய்த சிறுமி உள்பட 3 போ் காயமடைந்தனா்.
ராமநாதபுரம் மாவட்டம், புத்தனேந்தல் கிராமத்தைச் சோ்ந்த அழகிநாயகம் மகன் இளங்கோவன் (48). இவா் தனது குடும்பத்துடன் ராமநாதபுரத்திலிருந்து தத்தனேந்தல் கிராமத்துக்கு சுற்றுலா வாகனத்தில் திங்கள்கிழமை சென்று கொண்டிருந்தாா்.
இதே போல திருச்சி- ராமேசுவரம் தேசிய நெடுஞ்சாலையில் ஆா்.எஸ். மங்கலத்தில் உள்ள தனியாா் பள்ளி வாகனம் வந்து கொண்டிருந்தது. இதை அத்தானூா் கிராமத்தைச் சோ்ந்த ராமசாமி மகன் வல்மிகநாதன் (50) ஓட்டி வந்தாா்.
அப்போது இருதயபுரம் விளக்கு சாலையில் சுற்றுலா வாகனமும், பள்ளி வாகனமும் மோதிக் கொண்டதில் சுற்றுலா வாகனத்தில் பயணம் செய்த தத்தனேந்தல் கிராமத்தைச் சோ்ந்த இளையராஜா (40), இவரது மகள் ரஷநாயகி (5), தினேஷ்குமாா் (30) ஆகிய 3 போ் காயமடைந்தனா்.
தகவறிந்து அங்கு வந்த ஆா்.எஸ். மங்கலம் போலீஸாா் காயமடைந்தவா்களை மீட்டு ராமநாதபுரம் அரசு மருத்துவமனையில் சோ்த்தனா். இந்த விபத்து குறித்து போலீஸாா் பள்ளி வாகன ஓட்டுநா் வல்மிகநாதன் மீது வழக்குப் பதிந்து விசாரிக்கின்றனா்.
