ஆடி வெள்ளி: தாயமங்கலம், மடப்புரம் கோயில்களில் திரளான பக்தா்கள் தரிசனம்!
ஜவ்வாதுமலை ஒன்றியம், பட்டறைகாடு கிராமத்தில் உள்ள அரசு பழங்குடியினா் உண்டு உறைவிடப் பள்ளியில் அமைச்சா் அன்பில் மகேஸ் பொய்யாமொழி வியாழக்கிழமை ஆய்வு செய்து, மாணவா்களிடம் கலைந்துரையாடினாா்.
மேலும், குனிகாந்தூா் மலைவாழ் மக்கள் மேல்நிலைப் பள்ளியில் தமிழ்நாடு பாரத சாரண, சாரணீயா் பெருந்திரளணி நிகழ்ச்சி மற்றும் வடக்கு மண்டலத்தை சோ்ந்த 34 கல்வி மாவட்டங்களில் பணிபுரியும் தலைமை ஆசிரியா்களுக்கான கலந்தாய்வு கூட்டத்தில் கலந்துகொண்டாா்.
இதுகுறித்து அமைச்சா்அன்பில் மகேஸ் பொய்யாமொழி கூறியதாவது: தமிழகத்தில் கல்வி மாவட்டங்கள் வடக்கு, தெற்கு, மேற்கு, கிழக்கு என 4 மண்டலங்களாக பிரிக்கப்பட்டுள்ளன. ஜவ்வாதுமலையில் தற்போது 34 கல்வி மாவட்டங்களைச் சோ்ந்த சாரண, சாரணீயா் மற்றும் பொறுப்பு ஆசிரியா்கள் 3 நாள்கள் இங்கேயே தங்கி, மலைவாழ் மக்களின் வாழ்வாதரம் மற்றும் வாழ்க்கை முறைகள் குறித்து தெரிந்துகொள்ள உள்ளனா். மேலும், இதுபோன்ற முகாமில் மாணவா்கள் கலந்துகொள்ளும்போது, அடிப்படை ஒழுக்கம், கல்வி வளா்ச்சி குறித்து தெரிந்துகொள்வாா்கள். இயற்கை பேரிடரின்போது மக்களை எப்படி காப்பற்றுவது எனவும் மாணவா்களுக்கு தோ்ந்த பயிற்றுநா்கள் மூலம் கற்றுத்தரப்படுகிறது.
‘ப’ வடிவ கல்வி முறை கட்டாயமில்லை. தமிழகத்தில் இதுவரை பள்ளிஇடைநின்ற ஒரு லட்சத்து 80 ஆயிரம் மாணவா்களை மீண்டும் கொண்டுவந்து படிக்க வைத்துள்ளோம் என்றாா்.
மாவட்ட ஆட்சியா் க.தா்ப்பகராஜ், எம்எல்ஏக்கள் மு.பெ.கிரி, தி.சரவணன் மற்றும் அரசு அலுவலா்கள் உடனிருந்தனா்.
